Тошкент шаҳрининг Олмазор ва Юнусобод туманларидаги айрим ҳудудлар 5 июнь куни 11 соатга электр энергияси таъминотидан узилади. Бу ҳақда «Тошкент шаҳар электр тармоқлари корхонаси» матбуот хизмати хабар берди.
Қайд этилишича, шу куни икки туман ҳудуддаги Ц-4, ПС 110/10/6 кВли «Бешқўрғон» ва ПС 110/6 кВ ДОК, ПС 110/6 кВАли «Зенит» подстанцияларининг Л-ДОК-1 ва Л-ДОК-2 кучланиши 110 кВА бўлган юқори кучланишли ҳаво электр узатиш тармоғидаги темир-бетон устунлар жойини ўзгартириш (демонтаж) ҳамда таъмирлаш ишлари олиб борилади.
Ушбу таъмирлаш ишларини хавфсиз бажариш мақсадида соат 07:00 дан 18:00 қадар:
Олмазор туманидаги 21-сонли оилавий поликлиника, АЦ-248, руҳий касалликлар касалхонаси, Тери-дерматовенерология диспансери, мактаб, тадбиркорлик субъектлари, хусусий цех, «Иброҳим ота», «Тараққиёт», «Мирпўлатова», «Қорасарой», «О.Ҳотамова» ҳамда «Ҳасанбой» МФЙларида жойлашган аҳоли хонадонлари ҳамда тадбиркорлик субъектларида электр энергияси ўчирилади.
Юнусобод туманидаги 6-, 7-, 8-, 9- ва 10-даҳалари, Ш.Казакбаева кўчасида яшовчи аҳоли хонадонлари ҳамда тадбиркорлик субъектлари, «Собиробод», «Уч қаҳрамон», «Чинор», «Шодлик», «Ғайратий», «Туркистон», «Астробод», «Ш.Казакбаева», «Беруний» МФЙлари ҳамда «Ҳасанбой» мавзесида, шунингдек, «Корзинка» савдо комплексида ҳам шу худди шу вақт давомида электр энергияси ўчирилади.
Аввалроқ 2021—2022 йиллар куз-қиш мавсумига тайёргарлик кўриш сабабли Тошкентдаги юқори кучланишли электр тармоқларида таъмирлаш ишлари олиб борилиши сабабли 5 июнь куни соат 07:00 дан 21:00 га қадар Юнусобод, Олмазор, Шайхонтоҳур ва Мирзо Улуғбек туманларидаги қатор манзилларда иссиқ сув таъминоти вақтинча ўчирилиши ҳақида хабар берилган эди.
Изоҳ (0)