15 сонияда нима қилишингиз мумкин? Instagram’да бир-иккита расмларни томоша қилишга улгурасиз, холос. Бу вақтда эса гўзаллик саноати вакиллари вақтини беҳуда сарфламайди ва ҳар 15 сонияда дунёдаги энг машҳур қуйидаги косметик воситаларни сотади.

Better Than Sex Mascara, Tоо Faced — киприклар учун туш

Фото: Cosmopolitan

Better Than Sex Mascara, Too Faced туши юзлаб рақибларини ортда қолдириб, шоҳсупанинг энг юқори поғонасидан жой олади. Маҳсулот таркибида коллаген мавжуд бўлиб, биринчи бўяшдаёқ кирпикларни қалин қилади. Икки маротаба бўяш эса ундан аъло натижани беради — ҳажм, алоҳидалик ва узунлик. Маҳсулотнинг нозик пушти идиши ҳар 15 сонияда сотилиб кетиши ажабланарли эмас!

The Eraser Eye Concealer, Maybelline New York — консилер

Фото: Cosmopolitan

Консилерсиз пардоз мукаммал бўлолмайди. Яна қайси маҳсулот бир вақтнинг ўзида бешта муаммога ечим бера олади: тошма, қизариш, чандиқларни қоплаш, контур қилиш, кўз остидаги кўкаришлар яшириш? Буларнинг барчаси Maybelline New York косметикасининг мутлақо бесцеллерига айланган консилери натижасидир.

Touche Eclat, YSL Beauty — консилер-ҳайлайтери

Фото: Cosmopolitan

Яна бир бетакрор бюти-маҳсулот — YSL Beauty’дан Touche Eclat. Унинг ёрдами билан бир неча сония ичида юзингиздаги уйқусизлик изларини яширишингиз мумкин. Шаффоф консилер терига енгил сингади, терини тортмайди, ажинлар ичига кириб, ажратиб қўймайди. Бу йил бренд Touche Eclat High Cover бесцеллерининг зичроқ версиясини ишлаб чиқарди.

Blush румянаси — Orgasm, Nars ранглари

Фото: Cosmopolitan

Афсонавий қизғиш Orgasm румянаси ўзининг пушти-шафтолиранг ранги билан аёллар қалбини забт этган, шунинг учун ҳам бу маҳсулот дўкон пештахталарига қўйилиши билан сотилиб кетади. Ушбу универсал румяна ҳақида эшитмаган қиз бўлмаса керак.

Advanced Night Repair, Estée Lauder — тунги зардоби

Фото: Cosmopolitan

Estée Lauder терини қайта тикловчи зардоби бир кечанинг ўзидаёқ мўъжизалар яратиб, юз терисини силлиқ, майин ва ёрқин қилади. Ундан нафақат ётишдан олдин, балки кундузги пардоздан аввал ҳам фойдаланиш мумкин. Агар терингизда қаттиқлик ва қуруқликни ҳис қилсангиз, зардобни прайм билан ишлатиб кўришингизни маслаҳат берамиз. У дарҳол сувсизланган ва чарчаган юз терисини тиклайди.

Lip Liner Pillow Talk, Charlotte Tilbury — лаб учун қалам

Фото: Cosmopolitan

Шарлотта Тилберининг лаб учун қалами аллақачон гўзаллик доираларида афсонага айланишга улгурган. Эмма Робертс, Алекса Чанг ва бошқа машҳур шахслар универсал рангни синаб кўришган. Ўзининг кремли текстураси ва лаб бўёғининг чидамлилигини узайтириш қобилияти туфайли қалам бутун дунё бўйлаб макияжни севувчилар томонидан тан олинган.

Sensibio H2O, Bioderma — мицилляр суви

Фото: Cosmopolitan

Франциянинг Bioderma брендига тегишли мицеллар суви деярли ҳар бир қизда бўлиши шарт. Маҳсулот нафақат пардозни тозалайди, балки терини тинчлантиради, тиклайди ва янгилайди. Айтганча, бунда вақтингиз ҳам тежалади, чунки чайиш шарт эмас.

Rosehip Oil, Trilogy — юз учун мой

Фото: Cosmopolitan

Янги Зеландияда ишлаб чиқарилган органик брендининг атиргул мойи терини қутқарувчи воситадир. Унинг таркибида 80 фоиз ёғ кислоталари, антиоксидантлар ва E витамини мавжуд бўлиб, улар терини намлайди ва ҳужайраларнинг янгиланишига ёрдам беради. Маҳсулот юзда яхши сўрилади ва терини озиқлантириб, уни силлиқ ва таранг қилади.