Ортиқча вазнни камайтиришда асосий нарса соғлиққа зарар етказмасликдир. Афсуски, ҳамма ҳам буни уддалай олмайди. Ҳаттоки юлдузлар ҳам. Улардан бир нечтаси озиш илинжида ўзлари учун касалликлар орттириб олган.
Виктория Бекхэм
Ўтган йиллар мобайнида шифокорлар Викториянинг саломатлиги борасида хавотирда эканлиги маълум бўлди. Улар юлдузнинг қонида симоб миқдори ошганлигини аниқлаган. Аммо қандай қилиб мазкур токсик модда унинг организмда пайдо бўлган?
Кейинчалик бунга парҳез сабаб бўлганлиги аниқланди. Виктория денгиз маҳсулотларига қизиқиб, мунтазам равишда балиқ истеъмол қилган. Шубҳасиз, балиқ фойдали хусусиятларга бой, аммо меъёридан орттириш тавсия этилмайди. Натижада ҳолсизлик, кўнгил айниши, бош айланиши ва оғизда металл таъми пайдо бўлади. Виктория токсик моддаларнинг концентрациясини камайтириш учун жигарни тозалаш амалиётини ўтказди. Ҳозирда у тўғри овқатланишга кўпроқ эътибор қаратмоқда.
Дана Борисова
2015 йилда телебошловчи севгилиси Андрей Трошченко билан тўй либосида мукаммал кўриниши учун зудлик билан вазн камайтиришга киришган. У 43 килограмм бўлиши учун бир ой давомида кунига фақатгина бир дона олма истеъмол қилган. Сўнгра анорексияга чалинган. Ҳушидан кета бошлагач, унинг саломатлигида муаммо борлиги аниқланди. У парҳез натижасида панкреатит орттириб олган эди. Эндиликда унинг организми овқат қабул қила олмасди. Ҳозирда унинг вазни 53-58 килограммни ташкил этади.
Кристиан Бэйл
Актёр кўпинча роллари учун вазнини камайтиради. У бир неча бор 30 килограммга озган ва мушакларига ишлов берган. Умуман олганда, у 274 килограмм вазн ташлаган. Бироқ яқинда актёр танасига зарар етгани ва эндиликда суратга тушиш учун кўп ўзгармаслигини маълум қилган.
Тара Рид
Ўзи аввалдан нозик бўлган юлдуз яна озиш илинжида нафақат соғлиғига путур етказди, балки карьерасига ҳам нуқта қўйди. У парҳез давомида муваффақиятсиз жарроҳлик амалиётини ўтказди. Кейинчалик уларни тузатиш учун яна бир неча операциялар бўлиб ўтган. Натижада унинг териси чўзилиб, ҳаддан ташқари озиб кетган. Шундан сўнг унга роллар таклиф қилинмади. Тарага анорексия нервоза ташхиси қўйилган.
Корнелия Манго
Корнелия аввалданоқ тўладан келган эди. Лекин у ҳам бошқалар каби озишга қарор қилди. У парҳез ва ёғни эритиш каби муолажалардан фойдаланди. Кейин унда қандли диабет касаллиги аниқланди. Хонанда бу ишидан афсусда эканлиги, тезроқ вазн йўқотиш учун таблеткалар қабул қилганини тан олган. Шунингдек, мухлисларига вазн камайтиришга интилмаслик ва тўғри овқатланиш мутахассиси билан ишлашни маслаҳат берди.
Эмилия Кларк
«Тахтлар ўйини» сериали юлдузи ҳам роли учун вақтини деярли спорт залда ўтказган. У чарчагунча шуғулланар, меъёрни ҳар куни ошириб борар эди. Аммо биринчи мавсум премьераси арафасида актриса мияга қон қуйилиши билан касалхонага ётқизилган. Шифокорлар уни қутқариб қолди, аммо операциядан сўнг у гапиришни ва юз ифодаларини бошқаришни аста-секин ўрганди. Бу унинг карьерасига абадий нуқта қўйиши ҳам мумкин эди. Актриса учун реабилитация бир йил давом этди.
Изоҳ (0)