Тошкентдаги «Шаҳидлар хотираси» ёдгорлик мажмуасининг атрофи ўралгани ва у ерда қурилиш ишлари бошлангани ҳақида хабар берилганди. Қурилиш вазирлиги ушбу мажмуа реконструкциядан кейин қандай кўринишга келиши ҳақида маълумот берди, дея хабар қилмоқда «Дарё» мухбири.
Вазирлар Маҳкамасининг 2021 йил 3 апрелдаги 178-сон қарорига асосан ушбу жойда бир қатор бунёдкорлик ишлари режалаштирилган. Қарорга кўра мажмуада:- қатағон қурбонлари номлари акс эттирилган рамзий китоб барпо этиш;
- музей биноси ва рамзий ротондани, фаввораларни реконструкция қилиш;
- «Қатағон қурбонлари хотираси» давлат музейи ходимлари учун маъмурий бино;
- мажмуага ташриф буюрувчилар учун қулай шароит яратиш мақсадида миллий ҳунармандчилик ва савдо дўконлари;
- сайр учун велотураргоҳлар;
- бир қатор суҳбат жойлари;
- очиқ амфитеатр ва Wи-Фи ҳудуди;
- болалар ва шахматчилар учун ўйин майдончалари ҳамда ҳожатхоналар қурилиши кўзда тутилган.
Таъкидланишича, очиқ амфитеатр тантана ва кўнгилочар тадбирларни ўтказиш учун эмас, балки қатағон қурбонларининг тарихий меросини янада чуқур ўрганиш ва уларнинг хотирасини абадийлаштиришга доир тадбирлар ташкил этиш учун мўлжалланган.
Бундан аввал Тошкент халқаро аэропортининг иккинчи қаватига олиб борадиган эстакада йўли очилиши, Самарқанд аэропорти бошқарувини Air Marakanda компаниясига бериш режалаштирилаётгани ҳамда «ЦУМ»да қуриладиган «Истиқлол» концепцияси лойиҳаси яқин кунларда тасдиқланиши маълум қилингани ҳақида хабар берилганди.
Изоҳ (0)