Дональд Трампнинг рафиқаси Мелания ҳақида кўпчиликка маълум бўлмаган қизиқарли фактлар (фото)

Мелания Трамп эндиликда АҚШнинг биринчи хоними бўлмаса-да, дунёдаги энг таниқли ва нуфузли аёллардан бири бўлиб қолмоқда. Собиқ президентнинг рафиқаси ҳақида кўпчиликка номаълум бўлган фактлар билан танишинг.

Мелания Кнавс 1970 йилда Югославиянинг Севиц шаҳрида туғилган. Ҳақиқат шундаки, Дональд Трамп ноқонуний мигрантлар учун амнистияни бекор қилмоқчи бўлган эди, аммо ўзи муҳожирга уйланган. Шунингдек, миш-мишларга кўра, у мамлакатда ноқонуний ишлаган. Маълум бўлишича, Мелания ишчи визасиз 10 та моделлик шартномасини ютиб олган. Аммо унинг ўзи ҳеч қачон АҚШ қонунларини бузмаганини таъкидлайди.

Мелания Дональднинг учинчи рафиқаси ҳисобланади. Собиқ президентнинг иккинчи турмуш ўртоғи шарқий Европадан, биринчиси эса чехиялик модель Иван Зелничкова бўлган.

Мелания ва Трамп 1999 йилда Allure журналида суратга тушиш вақтида танишган ва орадан 6 йил ўтиб, 2005 йилда турмуш қурган. Жуфтлик 2006 йилда ўғил фарзанд кўрган ва унга Баррон Уильям Трамп деб исм қўйган. У Меланиянинг биринчи, Дональднинг эса бешинчи фарзанди.

Мелания турмуш ўртоғидан 24 ёшга кичик. Трампнинг катта набираси Кей Медисон эса тоғаси, яъни Меланиянинг ўғлидан бир ёшга кичик.

Мелания энг машҳур журналлар муқовасида суратга тушган. Масалан, Vogue, Harper’s Bazaar, Ocean Drive, In Style, New York Маgazine, Glamour ва Elle кабилар.

Мелания олий маълумотли эмас. У Любляна университетининг архитектура ва дизайн мутахассислиги бўйича ўқишга кирган. Аммо биринчи курсдан сўнг моделлик карьерасини бошлаш учун ўқишни тўхтатган. Ўшанда у 16 ёшда эди. Бироқ бу Меланияга 4 та тилни ўрганишга тўсқинлик қилмаган. У инглиз, француз, серб ва немис тилларини билади.

Мелания тўйида кийган либос 200 минг долларга тушган. Оғирлиги эса 20 килограммни ташкил этган. Хоним машинага ўтириши учун бир қанча ёрдамчиларга муҳтож бўлган. Бироқ 3 000 атиргул билан безатилган тўй торти эса келинга бироз таскин берган бўлиши мумкин.

Трамп Меланияга бўлган ҳис-туйғуларини радио орқали эълон қилган.

Мелания Мишель Обаманинг сайловолди маросимидаги нутқини ўғирлаган. 2016 йилда шов-шувли воқеалар юз берди. АҚШ Республикачилар партиясининг сайловолди конгрессида Трамп хоним турмуш ўртоғини қўллаб-қувватлаш учун нутқ сўзлаган, аммо 8 йил аввал ушбу нутқ Мишель Обама томонидан етказилган. Унинг сўзларига кўра, у қачонлардир Мишелнинг нутқи билан танишган ва ўзи ҳам бироз бўлса-да ёзганини айтган.