Туркиянинг Анқара шаҳрида мамлакат президенти Ражаб Тоййиб Эрдўғон ва Европа кенгаши раҳбари Шарль Мишель билан бўлган учрашувда Европа комиссияси раҳбари Урсула фон дер Ляйенга курси етмай қолди, деб хабар берди New Paper 24 нашри.
Тасвирда сиёсатчиларнинг ўз ўринларини эгаллагани, фон дер Ляйен эса уларнинг ортидан кириб бўш ўриндиқ топа олмаганини кўриш мумкин. Лекин вазият дарҳол бартараф этилди, Еврокомиссия раиси хонада турган дивандан жой эгаллади.
Эрдўғон маъмуриятининг изоҳ беришича, музокаралар ўтказиш жойи сабабли етарлича ўриндиқлар бўлмаган. Музокаралар бошқа хонада ўтказилган бўлиши мумкин.
Учрашувда Европа институтлари раҳбарлари Эрдўғонга иқтисодий ҳамкорликни ривожлантириш ғоялари ва қочқинлар масаласи бўйича таклифларини тақдим этиши керак эди.
Аввалроқ Буюк Британия бош вазири Борис Жонсон 29 январь куни Европа комиссияси раҳбари Урсула фон дер Ляйен билан вакцинанинг Шимолий Ирландияга етказилишига қўйилган тақиққа оид вазиятни муҳокама қилгани ҳақида хабар берилди.
Европа Иттифоқи мамлакатларининг вазирлари Беларусга қарши қўшимча санкциялар қўллашни бир овоздан маъқуллади. Бу ҳақда Еврокомиссия раҳбари Урсула фон дер Ляйен Twitter’даги саҳифасида эълон қилган.
Изоҳ (0)