Дунё бўйича аҳолини коронавирусга қарши эмлаш учун кенг кўламдаги ишлар давом этмоқда. Бу жараён 132 та давлатда олиб борилмоқда ва ҳозиргача 400 миллиондан ортиқ вакцина ишлатилди. Охирги кўрсаткичга кўра, бир кун давомида жами 9,64 миллион доза вакцина қилинган. Бу ҳақда Bloomberg хабар берди.

Пандемия бошидан буён АҚШда 112 миллион вакцина ишлатилди. Мамлакатда бир ҳафтадан буён кунига 2,47 миллион вакцина қилиняпти. Энди коронавирусга топширган тести ижобий натижа берганлардан кўра эмланган аҳоли сони кўпроқ.

Аҳолиси энг кўп эмланган мамлакатлар:

• Хитой (64,9 миллион);
• Европа Иттифоқи давлатлари (52,5 миллион);
• Ҳиндистон (36,4 миллион);
• Буюк Британия (27 миллион);
• Бразилия (14,4 миллион);
• Туркия (12,3 миллион).

Хитой ҳукумати фавқулодда вазиятларда фойдаланиш учун коронавирусга қарши тўртинчи вакцинасини тасдиқлади.

Исроил давлати эса камида битта дозада эмланганлар сони бўйича етакчилик қилмоқда (аҳолининг 56,8 фоизи).

Шунингдек, Украинада бир кун давомида 10 минг киши даволанди. Мамлакатда коронавирусга қарши вакцинанинг биринчи дозасини олганлар сони 82 мингга яқинлашди.

Буюк Британияда эса ёши катта аҳолининг деярли ярми эмланди. COVID-19 вакцинасининг биринчи дозасини 25 миллион киши, иккинчи дозасини эса 1,7 миллион киши қабул қилди.

Аввалроқ Жаҳон соғлиқни сақлаш ташкилоти (ЖССТ) коронавирусга қарши AstraZeneca вакцинаси билан эмлашни давом эттиришни тавсия қилди. ЖССТ фикрича, вакцинанинг афзалликлари унинг хавфидан устунроқ.

Шунингдек, ЖССТ бутун дунёда коронавирусга қарши вакцинага нисбатан ишончсизликни қайд этди. ЖССТ мутахассислари эмлаш кампаниясининг  муваффақиятсизликка учрашидан қўрқади, чунки бу бошқа вакцинация дастурларига салбий таъсир қилади.