Қашқадарё вилоятининг Шаҳрисабз туманидаги Қурилиш ва уй-жой коммунал хўжалик касб-ҳунар коллежи ўқитувчилари 6 ойдан буён маошсиз ишламоқда. Бу ҳақда исмини ошкор қилишни истамаган ўқитувчилардан бирига таяниб, «Xabar.uz» хабар берди.
Маълум қилинишича, 2020 йилнинг декабрь ойида мазкур касб-ҳунар коллежи Қурилиш вазирлиги тасарруфига ўтказилган. Таъкидланишича, мулкчилик шакли бошқа тузилмага ўтказилганидан сўнг ўқитувчи ва ходимларга компенсация тўлаб берилмаган. Коллеж раҳбарияти томонидан коррупцион ҳолатларга ҳам йўл қўйилгани айтилмоқда.
Маълумотларга кўра, Қурилиш вазирлиги тузилмасида 2 та институт, 14 та коллеж ва 3 та техникум мавжуд.
Шаҳрисабздаги коллежда 50 нафар ўқитувчи ва ходимлар фаолият юритади. 162 нафар ўқувчи 12 та йўналишда касб-ҳунар сирларини ўрганади.
Эслатиб ўтамиз, 2020 йилнинг апрелида Қаршидаги «Ватанпарварлар боғи»нинг 24 нафар ходими уч ойлик маоши тўланмаётганини маълум қилганди. ОАВда бу ҳақда мақола эълон қилингач, боғи ходимларининг 2020 йил январь, февраль ва март ойида тўланмай қолган ойлик-маоши тўлаб берилган эди.
Изоҳ (0)