АҚШда Boeing йўловчи самолётининг ёнган двигатели қопламаси аҳоли яшайдиган ҳудудга тушди (видео)

United Airlines авиакомпаниясининг йўловчи самолёти парвоз пайтида двигателларидан бири ёниб кетганлиги сабабли АҚШнинг Колорадо аэропорти Денвер шаҳрига фавқулодда қўнди, деб ёзмоқда Meduza.

Бортида 231 нафар йўловчи ва ўн нафар экипаж аъзолари бўлган Boeing 777 самолёти Денвердан 20 февраль куни Гонолулуга учган. Орадан вақт ўтиб, самолёт двигателларидан бирида ёнғин чиққан. Экипаж зудлик билан учиш аэропортига қайтишга қарор қилган.

Йўловчилар самолётнинг ёнаётган двигателини видеога олган ва бу воқеа ижтимоий тармоқларда кенг тарқалган.

https://twitter.com/manavparody/status/1363266371891597314

Қўниш пайтида самолёт двигатели қопламасининг бир қисми узилиб, Брумфилд шаҳридаги турар жой бинолари ҳовлисига тушган. Маҳаллий полиция аҳолини эҳтиёткорликка ва самолёт парчаларига тегмасликка чақирган.

https://twitter.com/ConorMcCueTV/status/1363271889565622272

https://twitter.com/BroomfieldPD/status/1363228220116504578

https://twitter.com/BroomfieldPD/status/1363233504155238402

Самолёт Денвер аэропортига муваффақиятли қўнган. Ерда жабрланганлар бор-йўқлиги ҳақида маълумот берилмаган.

2020 йилнинг январида Индонезияда Boeing йўловчи самолёти 3 километр баландликдан денгизга қулагани ҳақида хабар берилганди.