Олимларнинг аниқлашича, коронавируснинг янги штаммлари пайдо бўлаётгани сабабли уларга қарши ҳар йили вакцина қабул қилишга тўғри келиши мумкин. Бу ҳақда Johnson & Johnson корпорацияси бош директори Алекс Горскига таяниб, «Коммерсантъ» хабар берди.
Унинг сўзларига кўра, вирусдаги ўзгаришлар вакциналарнинг самарадорлигига таъсир қилиши мумкин. «Ўйлайманки, кўпчиликнинг фикрига кўра, келгуси бир неча йил давомида биз гриппга қарши эмлагандек коронавирусга ҳам қарши эмлаймиз. Ушбу эмлашлар нималарни ўз ичига олишини ҳали билмаймиз», — деди Горски CNBC эфирида.
5 февраль куни Johnson & Johnson АҚШнинг озиқ-овқат ва дори-дармон воситалари сифати масалалари бўйича бошқармасига мамлакатда коронавирусга қарши вакцинасини фавқулодда тасдиқлаш учун мурожаат қилди. Январь охирида компания ўз препаратининг самарадорлиги ҳақида ҳисобот берди. Унга кўра, вакцина самарадорлиги 72 фоизни ташкил қилди. Ҳозир АҚШда Pfizer/BioNTech ва Moderna компаниялари вакциналарида фойдаланишга рухсат берилган.
Изоҳ (0)