Бош прокурор Ниғматилла Йўлдошев бир ой ичида ҳудудларда коррупция сабабларини ўрганиб, Коррупцияга қарши кураш бўйича Миллий кенгаш йиғилишини ўтказади. Бу ҳақда 27 январь куни Президент Шавкат Мирзиёев раислигида ўтказилган йиғилишда айтиб ўтилди, дея хабар бермоқда «Дарё» мухбири.
«Одамларимизнинг фаровон яшаши учун сувга, ‘свет’га шунча қарз олинди. Аммо ҳамма жойда ўғрилик, ҳамма жойда коррупция. Мактаб, коллежлар қурилишида ҳам коррупция. Бу боғча эмас — 35 миллионлик аҳолини боқиш керак.
Бош прокурор Ниғматилла Йўлдошев бир ойдан кейин Коррупцияга қарши кураш бўйича Миллий кенгаш йиғилишини ўтказади. Шу муддат ичида у ҳар бир туманга «ташхис қўяди»: нега «касалланган», нега «тузалмаяпти», ким уларни қўллаб-қувватлаяпти? Шуларнинг барчасини аниқлаб, коррупцияга ботган одамларнинг рўйхатини тузиб чиқади. Уларнинг масаласи эса кейин кўриб чиқилади», – деди Президент.
Аввалроқ Шавкат Мирзиёев бош вазир ва администрация раҳбаридан рухсат сўрамай, мажлис ўтказган амалдор ишдан олинишини таъкидлагани, Когон шаҳрининг 4 та сектор раҳбарини ишдан олгани ҳамда туман сектор раҳбарлари ҳафтанинг икки кунини фақат ёшлар муаммоларини ҳал этишга ажратишини маълум қилгани ҳақида хабар берилганди.
Мавзуга доир:
- Шавкат Мирзиёев Ўзбекистондаги 18-30 ёшлилар орасидаги расмий ишсизлар сонини маълум қилди
- «Айрим амалдорлар аравани тортмаяпти». Шавкат Мирзиёев яқин кунларда бир нафар ҳоким ва вазир лавозимини тарк этишини маълум қилди
- Шавкат Мирзиёев: «Тошкент шаҳрида 77 мингта вакант иш ўринлари мавжуд, шундан 45 мингтасига олий маълумот талаб этилмайди»
Изоҳ (0)