UFC промоушени 20 январь, чоршанба куни Абу-Дабидаги «Жангчилар ороли»да 2021 йил ҳисобидан иккинчи мусобақасини ўтказади.
UFC Fight Island 8 мусобақаси доирасида ўзбекистонлик спортчи Зарруҳ Адашев (3-2) ҳам октагонга чиқади. Зарруҳга UFC’даги иккинчи жангида хитойлик Су Мудаэржи (13-4) рақиблик қилади.
Таъкидлаш жоиз, ушбу турнирда, шунингдек, Ҳабиб Нурмагомедовнинг амакиваччаси Умар Нурмагомедов (12-0) UFC’даги дебютини жангини ўтказади. Унга ушбу жангда қозоғистонлик тажрибали спортчи Сергей Морозов (16-3) рақиб бўлади.
Мусобақанинг асосий жангида эса ярим ўрта вазн вакиллари Майкл Кьеза (17-4) ва Нил Магни (24-8) ўзаро ҳисоб-китоб қилади.
Жанглар Тошкент вақти билан 19:00 да бошланади. Мусобақани Ўзбекистон телеканаллари трансляция қилмайди.
Барча жангларни мана бу ҳавола орқали томоша қилиш мумкин — ВИДЕО.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)