Мухлислар қалбидан жой олган турк киносаноати ижодкорлари шахсий ҳаёти ва карьерасида юз берган янгиликлар ҳақида маълумот бериб ўтамиз.
Актёр Киванч Татлитуғ билан боғлиқ суд жараёни якунига етди. У солиқларни тўлашда бўйин товлашда айбланганди. Адвокат барча зарур ҳужжатларни тақдим қилганидан кейин актёрнинг айбсиз экани ўз исботини топган.
Киванчнинг Netflix интернет платформаси учун суратга тушиши кутилаётган «Бир денгизости қайиғи ҳикояси» сериалида Озге Озпиринчжи билан бирга суратга тушиши маълум бўлган. Суратга олиш ишлари 30 январдан бошланади.
Неслиҳаннинг тоби қочгани туфайли «Элчининг қизи» сериалининг сценарийсига бироз ўзгартириш киритилади, аммо суратга олиш ишлари тўхтамайди.
Gold фильм томонидан тақдим қилинаётган «19 ёш» сериалининг номи «Маъсумлик»ка ўзгартирилди. Суратга олиш ишлари аллақачон бошланган фильмнинг премьераси қачон бўлиши маълум эмас.
Зеррин Текиндор «Мўъжизакор шифокор» сериалининг суратга олиш жамоасига келиб қўшилди.
Италиянинг Chi журналида актёр Жан Яманнинг бошловчи Дилетта Леотта билан бирга тушган сурати эълон қилинди. Маълум қилинишича, муносабатига уч ҳафта бўлган жуфтлик Instagram орқали танишган.
Серкан Чайоғлу «Кипрдаги қиш» сериалида суратга тушиш учун тайёргарлик ишларини бошлаб юборган. Суратга олиш жамоаси айни вақтда оролда 10 кунлик карантинга олинган.
Дунё гўзали деб эътироф этилганига кўп бўлмаган Ханде «Эшигимни қоқ» фильмининг суратга олиш жараёни орасидаги танаффусда Instagram тармоғида ўзининг суратлари билан бўлишишда давом этмоқда.
Мавзуга доир:
Изоҳ (0)