Гана пойтахтида истиқомат қилувчи Келвин исмли ўсмир шахсий машинаси бўлишини орзу қилган, бироқ оиланинг энг оддий моделни сотиб олишга ҳам қурби етмаган. Шу сабабли у ўз машинасини яратишга қарор қилган — Келвин металлоломдан фойдаланган. Тайёр бўлган машина билан YouTube-блогер Дрю Бинкси бўлишди.
Ўсмир ҳар куни биттадан янги деталь қўшиб, уч йил деганда рулга ўтиришга муваффақ бўлди. Унинг таъкидлашича, агар барча эҳтиёт қисмларини биттада харид қилиш имкони бўлганида митти автомобилни йиғиш бундан камроқ вақт талаб этган бўларди. Келвин ўз машинасини яратиш учун 200 доллардан камроқ пул сарфлаган — бу оила учун каттагина сумма ҳисобланади.
Келвиннинг машинасини каркаси алюминий профилдан ишланган, кузовини эса чиқинди контейнерларидан тайёрлаган. Эътиборли жиҳати, «Келвин-мобил» худди «чайка қаноти» услубидаги ишлайдиган эшикларга эга.
Ўсмир машина капотида вентиляцион тирқишлар қолдирган, радиатор панжарасини эса қора тўр билан ёпган. Орқа томонида диффузор ва катта антиқанот мавжуд, салонида радио ишлайди.
«Подвеска» сифатида мотоцикл амортизаторларидан фойдаланилган бўлиб, у автомобилнинг нотекис йўллар бўйлаб ҳам ҳаракатланишини таъминлайди. Машина мотоцикл двигатели ёрдамида ҳаракатга келади.
Аввалроқ Жек Ли исмли механик ўзининг Facebook’даги саҳифаси орқали Gran Turismo 6 ўйинидаги Bugatti Vision GТ гиперкари нусхасини яратиш жараёни тасвирланган ролик билан бўлишганди.
Изоҳ (0)