Ўтган пайшанба куни, 17 декабрда пойтахтдаги Hyatt Regency Tashkent меҳмонхонасида DAFNA ва EMAN компаниясининг табаррук 25 йиллик юбилейи муносабати билан афсонавий тадбир бўлиб ўтди, шунингдек, қийин ҳаёт шароитида бўлган аёллар ва болаларни қўллаб-қувватлашга қаратилган ОНА ижтимоий лойиҳасининг янги ташаббуси эълон қилинди. Тадбир дастури Ёшлар симфоник оркестрининг концерти, шу жумладан янги йил шукуҳи ва меҳмонларнинг мулоқотини ўз ичига олган.
Хайрия кечасининг ташаббускорлари DAFNA ва EMAN компаниялари ҳамда МЕЁС Ўзбекистон ёғочни қайта ишлаш ва мебель саноати Ассоциациясидир. Ижтимоий лойиҳалар фаоли Умида Ҳусаинова, актриса ва жамоат арбоби Раъно Шодиева, «Меҳрли Қўллар» Хайрия маркази лойиҳа иштирокчилари бўлишди. Хайрияни қўллаб-қувватлаш учун кўпгина тадбиркорлар, санъат ва маданият арбоблари, дизайнерлар, Влад Заманов, Ганя Усман каби машҳур шахслар, журналистлар ва илғор фикрловчилар, энг муҳими, «Меҳрли Қўллар» маркази васийлигидаги Ўзбекистон ногиронлар ассоциацияси аъзолари иштирок этдилар.
2020 йил ҳаммамиз учун мураккаб йил бўлди, у бизни бир-биримизни қўллаб-қувватлашга ўргатди – бу табиий, бир-бирига ёрдам бериш учун бой ёки ўта меҳр-шафқатли бўлиш шарт эмас. DAFNA ижтимоий ташаббуслар компанияси –бунинг энг яхши тасдиғидир! Кенг кўламли ва «илиқ» номли ОНА лойиҳаси ёлғиз оналар ва имконияти чекланган фарзанди бор оналар, қийин ҳаёт шароитига тушиб қолган ижтимоий ҳимояланмаган одамларга кўмак беришга йўналтирилган. ОНА ижтимоий комплексини мебель кластери асосида ташкил этиш режалаштирилмоқда. Бу ерда аёллар ўзларига зарур қўллаб-қувватловни ҳис қилишари, ўзлари ва болаларининг ғамхўрлик кўришлари, таълим олишлари, мебель цехида ишлашлари, ҳаётларини оқ қоғоздан бошлашлари ва ўзларига ишонч ҳиссини орттиришлари мумкин.
«Бундай ижтимоий комплекснинг очилиши – бу ҳар қандай хайрия марказининг орзуси, – дея Раъно Шодиева ўз фикри билан ўртоқлашди. – Бу ерда ҳар бир аёл, айниқса, боласини ёлғиз ўзи тарбиялаётганлар нафақат бошпана ва ишга эга бўладилар, шу билан бирга, фарзандларига зарур парвариш, психолог ёрдами, зарур таълим олиб, оёққа турадилар, эҳтимол ўз бизнесларига эга бўладилар, ҳаётда ўз йўлларини топадилар.Бу аёлларни мустақил ҳаётга тайёрловчи, улар ўзларини топишлари учун вақтинчалик бошпана».
DAFNA юбилейи шарафига хайрия кечасининг барча меҳмонларига ажойиб имконият тақдим этилди, яъни муҳим тантанали тадбир иштирокчиси бўлиш. Иштирокчилар Ёшлар симфоник оркестрининг Камолиддин Ўринбоев раҳбарлигидаги ажойиб жонли ижросидан баҳраманд бўлдилар ва Женисбек Пиязов, Дамира Раҳмонова, Умида Исроилова, Рустам Алимардонов ва Сабина Мусаеванинг жонли иросини эшитдилар; хореография рақс гуруҳлари ва яккахон артистларнинг чиқишларидан завқландилар. Самимийлик ва олийжаноблик, ҳақиқий афсонавий байрам, албатта, бу йил биз бунга лойиқ бўлдик!
Меҳмонлар орасида мебель корхоналари ва ташкилотлари вакиллари, савдога ихтисослашган, Ўзбекстон бўйлаб ёғочни қайта ишлаш ва мебель ишлаб чиқариш учун материаллар ишлаб чиқарувчи МЕЁСнинг ўша куни эрталаб бўлиб ўтган конференциясига ташриф буюрганлар бор эди.
Кун тартибида 2020 йил якунлари акс этган бўлиб, улар қуйидагилар:
- Ўзбекистон экспортчилари Ассоциацияси билан меморандум имзоланиши;
- Юксалиш умуммиллий ҳаракати билан меморандум имзоланиши ва Сирдарёда жабр кўрганларга гуманитар ёрдам кўрсатиш;
- Президентнинг МЕЁС вакиллари билан видеоконференция алоқаси ўтказиши;
- Ассоциация кўмагида корпус мебеллари бўйича дастлабки ўқув курсларини йўлга қўйиш;
- Ўзбекистон иқтисоди Ассамблеяси таркибига кириш;
- Қозон шаҳрида ўтказиладиган кўргазмада МЕЁС аъзоларининг иштироки;
- Made in Uzbekistan шоурумининг Қозоғистон ва Россия ва бошқа жойлар да очилиши.
DAFNA ва EMAN компанияларининг юбилейи эрталаб ишбилармонлик бўйича фойдали, кечқурун олийжаноб ва тантанали, бошидан охиригача жамиятимиз учун ижтимоий аҳамиятга эга тарзда ўтди.DAFNA таваллуд айёминг муборак бўлсин!СайтInstagramFacebookTelegram
Реклама ҳуқуқи асосида.
Изоҳ (0)