Актриса Ким Яшпал нафақат истеъдоди туфайли, балки ўзининг бетакрор қиёфаси туфайли ҳам ижодида бир оз бўлса-да муваффақиятга эришган. Митхун Чакраборти билан ижодий ҳамкорликда роль ижро этган актриса режиссёрлар томонидан ҳам юқори баҳоланган эди.
Яшпал 1960 йил апрель ойида санъат оламига алоқадор бўлмаган оилада дунёга келган. Унинг болалиги Англияда ўтган ва у ерда тилларни чуқур ўрганиш билан шуғулланган. Болливудни забт этиш мақсадида 1974 йил ота-онасининг кўмаги билан Ҳиндистонга келган ва карьерасини моделликдан бошлаган. Ўша пайтдаёқ Яшпал актриса бўлишни хоҳлар эди, аммо бу осон бўлмаган.
Шунингдек, Яшпалнинг ҳомийлари бўлмаганлиги учун ҳам унинг қобилияти дастлаб тан олинмаган. Унинг тақдирида кескин бурилишлар маҳоратли актёр Дэнни Дензонгпа билан учрашувдан кейин содир бўлган. Етти йил давомида у нафақат Яшпалга дўст, балки севикли ёр ва ҳомийга ҳам айланган эди. Шундан сўнг актриса фильмнинг бош ролига таклиф қилина бошланган. Аммо ижоддаги ишлар ҳамиша ҳам кўнгилдагидек кечмаган, актрисанинг камчиликлари туфайли ҳеч ким Дэнни билан тўқнаш келишни хоҳламаган.
Шунингдек, биргаликда ишлаш жараёни ҳам осон кечмаган. Чунки актрисага маълум лойиҳаларда иштирок этиш тўғрисида унинг севгилиси қарор қабул қилар эди.
Яшпал севимли қаҳрамони — Рита Оберойнинг образини яратгандан сўнг унга мустақил ижодкор сифатида эътибор қаратила бошлаган. Фильм намойишидан сўнг Яшпал ва Чакраборти жуфтлиги кўплаб мухлисларнинг эътиборини тортган.
Дензонгпа ҳамиша уни қўллаб-қувватлашига қарамай, актрисанинг карьерасида янги лойиҳалар камлигича қолаверган. Актрисада жонли ҳис-туйғулар йўқ эканлиги танқид қилинган, унинг ҳимоячиси сифатида таниқли одамни рўкач қилганлар ҳам топилди ва суратга олиш майдончаларида унинг ўрнини бошқа актриса билан алмаштириш ҳолатлари ҳам юз берган.
Дэнни ва Яшпал ажралгач, уни деярли ҳеч ким киноларга таклиф қилмаган, ҳамиша янги чеҳра баҳонаси туфайли рад жавоби қайтарилган. Дўстлик юзасидан Чакраборти уни ўз фильмларига таклиф қилганида эса актрисанинг соғлиғидаги муаммолар туфайли танаффус қилишига тўғри келган.
Яшпал иштирокидаги сўнгги «Кучли эркак» фильми 1992 йилда намойиш этилган. Шундан сўнг актриса қайта экранларда кўринмаган. Актрисанинг ёпиқ турмуш тарзи туфайли у ҳақида бошқа маълумотлар аниқ эмас. Шунингдек, у ижтимоий тармоқлардан фойдаланмайди, ҳеч қачон оилавий шароити ҳақида изоҳ бермаган. У севимли касби йўлида кўплаб қийинчилик ва тўсиқларга дуч келаверганидан чарчаган ҳолда санъатни тарк этган.
Мавзуга доир:
Изоҳ (0)