«Челси» бош мураббийи Фрэнк Лэмпард футболчилик фаолиятида ўзи дуч келган энг кучли футболчилар ҳақида гапирди.
«Челси» собиқ ярим ҳимоячиси фаолиятида давомида бирга тўп сурган ва рақиб сифатида дуч келган энг яхши ўйинчилар сўралганида қуйидагича жавоб берди.
«Мен икки ўйинчини номини айтаман, бу саволнинг иккита қисми учун ҳам жавоб бўлади. Бу «Барселона»даги Хави ва Иньеста. Гарчи улар гавда жиҳатидан йирик эмас, анча кичик бўлган бўлса-да жуда кучли ўйинчи эди.
Улар гавда ҳажми муҳим эмаслигини исботлай олган ўйинчилар. Баъзилар футболчи бўлиш учун улкан танага эга бўлиш керак деб ҳисоблайди. Ундай эмас», — дейди Лэмпард.
Лэмпард 2001—2014 йиллар мобайнида «Челси» сафида тўп сурган. Жамоа афсонаси 2019/20 йилги мавсум бошидан буён «Челси»ни бошқариб келмоқда.
Мавзуга доир: «Челси» афсонаси Фрэнк Лэмпарднинг лондонликлар сафидаги энг чиройли голлари битта саҳифада (видео)
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)