UFC’нинг енгил вазн тоифасида ҳаракат қилувчи америкалик яккакурашчи Тони Фергюсон дивизион чемпиони Ҳабиб Нурмагомедовга қарши жанг қилиш имкониятини қидиришини айтиб ўтди.
«Ҳабиб мен билан ҳеч қачон жанг қилмайди. У уч марта мен билан жанг қилишдан бош тортди. Бироқ эртами, кечми Ҳабибни адабини бериб қўяман. Қанақасига билмайман, аммо шу йил охиригача у билан кўришамиз.
Конорга қарши жанг қилиш варианти ҳам бор. Ҳабиб ва Конор — мени қизиқтираётган жанг», — дейди Фергюсон.
Эслатиб ўтамиз, Ҳабиб ва Тони ўртасидаги жанг турли сабабларга кўра беш марта бекор қилинган. Уларнинг сўнгиси 2020 йилнинг апрелига тўғри келганди. Кейинчалик Фергюсон Ҳабибнинг ўрнини эгаллаган Жастин Гэтжига қарши жангда мағлуб бўлди ва енгил вазн тоифаси вақтинча чемпионлик камарини бой берди.
Маълумотот учун, 24 октябрь, шанба куни БААдаги «Жангчилар ороли»да UFC 254 мусобақаси бўлиб ўтади. Кечанинг асосий жанги Ҳабиб Нурмагомедов ва Жастин Гэтжи ўртасида кечади. Мусобақа Тошкент вақти билан 19:30 да бошланади. Асосий жанглар 23:00 дан бошланиши режалаштирилган.
Қайд этиш жоиз, UFC 254 мусобақасининг асосий кардида ўзбекистонлик Лилия Шокирова ҳам иштирок этади. Ушбу мусобақани бу ерда томоша қилиш мумкин — ҳавола.
Мавзуга доир:
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)