Тошкент шаҳар Чилонзор туманида яшовчи 48 ёшли аёл 4-қават деразасидан тушиб кетди, дея хабар бермоқда шаҳар ИИББ.
Қайд этилишича, «Боғзор» маҳалласида яшовчи 48 ёшли В.М. эҳтиётсизлиги сабабли тўртинчи қават деразасидан йиқилиб тушганлиги боис шифохонага жойлаштирилди.
Туман ички ичлар органи ходимлари билан суҳбат давомида аёл ҳақиқатан ҳам эҳтиётсизлиги сабабли йиқилганини, уйни тозалаш олдидан оила аъзолари билан спиртли ичимлик истеъмол қилганини маълум қилди. Маст ҳолатда бўлгани сабабли мувозанатни йўқотган В.М. ҳеч кимга эътирози йўқлигини билдирди.
Шу билан бирга, В.М. яқинда биометрик паспорти, хорижга чиқиш паспорти ва бошқа ҳужжатлари бўлган пакетни йўқотганини маълум қилди.
Чилонзор Миграция ва фуқароликни расмийлаштириш бошқармаси ходимлари унга ушбу масалада ёрдам берди. Аёлни бўлимгача олиб бориб, биометрик маълумотлар олингандан сўнг қайтариб уйига етказиб қўйилди.
Изоҳ (0)