«Скарлетт» сериалининг бош роль ижрочиси Жоан Уолли 19 сентябрь куни 56 ёшни қаршилади. Актриса ўтган асрнинг 70 йилларида фильмларда суратга тушишни бошлаган бўлса-да, «Шамолларда қолган ҳисларим»нинг мантиқий давоми «Скарлетт» сериали унга шон-шуҳрат келтирди. Ўшанда минглаб талабгорлар орасидан фақат Жоангина Скарлетт роли учун танлаб олинган. У дублёри Вивен Лини такрорламади, балки ўзининг ноёб қиёфасини яратди, шунинг учун ҳам дунё бўйлаб унинг мухлислари ортиб борди.
Англияда дунёга келган актриса болалигиданоқ саҳнага интилди ва ота-онаси қизининг орзуларига эришиши учун ҳар томонлама ҳисса қўшди. У 10 ёшга тўлганда «Коронация кўчаси» телесериалида роль ижро этди ва кино соҳасида ўз фаолиятини бошлади. Кейинги йиллар мобайнида бир қанча телесериал ва бадиий фильмларда роль ижро этди, нафақат Британия, балки Голивудда ҳам машҳурликка эришди.
1994 йилда сериалдаги Скарлетт О’хара ролини ижро этганидан сўнг дунё миқёсидаги машҳур актрисага айланди. Таниқли актёр Тимоти Далтон унинг партнёри сифатида роль ижро этди. Шундан сўнг у бошқа роллар – ҳамшира, қиролича, малика, мустақил аёл каби образларда намоён бўлди. Умуман олганда, унинг телесериал ва фильмлардаги роли 70 дан ортиқни ташкил этади.
1988 йил Уолли Голливуд актёри Вэл Килмер билан турмуш қурди ва биргаликда Лос-Анжелесга кўчиб кетди. У оила қургандан кейин ҳам ижод қилишда давом этди, сабаби актрисага Америкада ҳам талаб катта эди. Уларнинг фарзандлари дунёга келиши билан узоқ муддатлик танаффус қилишига тўғри келди.
1991 йил қизи − Мерседес, 1995 йил ўғли – Жек дунёга келди. Оиласи ва фарзандлари учун ҳам актриса уй бекаси бўлишга қарор қилди. Кейинчалик Скарлетт ролига тасдиқланганида туғруқ таътилини тўхтатди. Шундан сўнг уларнинг оиласида келишмовчиликлар пайдо бўла бошлади. Вал Килмэр рафиқасини экрандаги жуфтидан рашк қилди, Тимоти Далтоннинг сўзларига кўра, у ғазабга учраган эди.
Вал Килмэр тинимсиз рашк қилар, аёлининг муносабатини текшириб турар, ҳамкасблари олдида уни ноқулай аҳволга туширарди. У ҳатто Уоллини фарзандларни бермаслик билан қўрқитди. Дастлаб Уолли ўз ҳис-туйғуларини самимийлиги ва оиласига содиқлигини исботлашга уринди. Кейинчалик бу ҳикоялардан чарчади.
Орадан икки йил ўтса ҳам ҳеч нарса ўзгармади, Жоан расман ажрашишга ариза топширди. Ажримга муросасиз келишмовчиликни сабаб қилиб кўрсатди. Килмэр ҳам бу борада ортиқча қаршилик билдирмади, барчасини қўллаб-қувватлади.
Болалар онасининг қармоғида қолди, шунинг учун актриса қанчалар банд бўлмасин улар учун вақт ажратар эди.
Актриса ажримдан сўнг бор эътиборини фарзандларига бағишлади. Аммо Вел Килмэр эса ўша заҳоти оиласи ва фарзандлари билан алоқани узди, уларни моддий томондан қўллаб-қувватлашни унутди.
Жоан Уолли шахсий ҳаётидаги муаммолардан сўнг ўзини қўлга олди. У фарзандлари учун ҳаммасини унутди. У 2017 йили охирги маротаба кинода суратга тушди.
Эҳтимол, актриса томошабинлар томонидан унут бўлгандир, аммо Буюк Британия ва Голливудда ҳамон машҳур. Шунингдек, унинг ўғли онасининг касбини эгаллади ва актёрлик фаолиятини йўлга қўйди.
Изоҳ (0)