Ўзбекистон қанча миқдорда ёғоч ва ёғоч маҳсулотларини импорт қилгани маълум қилинди

Ўзбекистон 2020 йилнинг 8 ойида хорижий давлатлардан қиймати 345,1 миллион АҚШ долларига тенг бўлган ёғоч ва ёғоч маҳсулотларини импорт қилган, дея хабар бермоқда Давлат статистика қўмитаси.

Бу кўрсаткич ўтган йилнинг мос даври билан солиштирилганда 59,3 миллион АҚШ долларига кам.

Қайд этилишича, ўтган саккиз ой мобайнида импорт қилинган ёғоч ва ёғоч маҳсулотларининг энг катта улуши Россия (314,7 миллион), Хитой (10,8 миллион), Туркия (4,9 миллион), Белорус (2,8 миллион), Италия (2,3 миллион) ва 1,9 миллион АҚШ доллари билан Украина ҳиссасига тўғри келган.

Маълумот ўрнида, бу йил Ўзбекистон 46 та хорижий давлатлардан ёғоч ва ёғоч маҳсулотларини импорт қилган.

Аввалроқ қўмита Ўзбекистонга 8 ойда қанча электромобиль импорт қилингани маълум қилганди.