«Авито» сайтида 1991 йилги Mercedes-Benz 500 SL базасида яратилган «ГАЗ-21» сотувга қўйилди. Ҳозирга қадар 67,5 минг километр йўл босган тўқ яшил рангли автомобилни 16 миллион рублга (салкам 210 минг доллар) харид қилиш мумкин, деб ёзади Motor.
Ноодатий «Волга» асосини 29 йил олдин ишлаб чиқарилган Mercedes-Benz 500 SL ташкил этади. Муҳандислар родстер шассиси, кузови ва трансмиссиясининг барча деталларини сақлаб қолган. Бундан ташқари, автомобиль немис тормоз тизими, шунингдек, хавфсизлик тизимлари билан жиҳозланган. «Волкодав» номини олган машина жамланмасидан Mercedes-Benz’нинг қишки ва юмшоқ том қисми ҳам ўрин олган.
Эълонга кўра, машинанинг двигатели «Волга»ники. Модель 80 от кучига эга, 2,5 литрли бензин двигатель билан жиҳозланган бўлиб, у автомат узатмалар қутиси ёрдамида бошқарилади. Автомобиль салони қора чармдан ишланган, ўриндиқлар электроузатма функциясига эга, интерьери эса классик Mercedes’ники каби безатилган.
Мавзуга доир:
Изоҳ (0)