Тиббиёт фанлари доктори Саидахон Мирраҳимова Республика ихтисослаштирилган наркология илмий-амалий тиббиёт маркази директори лавозимига тайинланди, деб хабар бермоқда ССВ матбуот хизмати.
Тайинловга қадар 37 ёшли Саидахон Мирраҳимова Самарқанд вилоят ихтисослашган кўз касалликлари шифохонаси бош шифокори лавозимида ишлаб келган. У Лондондаги Стаффордшир университетида соғлиқни сақлашни ташкиллаштириш бўйича малакасини оширган.
Янги лавозимда унга марказ фаолияти ва аҳолига тиббий хизмат кўрсатиш сифатини ошириш, наркологик касалликлар соҳасидаги профилактика, диагностика ва даволаш ишларида инновацион технологияларни татбиқ этиш, етакчи хорижий тиббиёт муассасалари билан ҳамкорликни кенгайтириш, тизимда ахборотларнинг фаол алмашинувини таъминлаш сингари вазифалар юклатилди.
Республика ихтисослаштирилган наркология илмий-амалий тиббиёт маркази 2019 йил октябрь ойида Соғлиқни сақлаш вазирлигининг Республика наркологик маркази негизида ташкил этилган.
Аввалроқ Навоий вилояти соғлиқни сақлаш бошқармаси бошлиғи вазифасидан озод этилиб, унинг ўрнига янги раҳбар тайинлангани хабар берилган эди.
Изоҳ (0)