Қашқадарёда яна бир тиббиёт ходими, хусусий клиника бош шифокори Тўрақул Холиқов 65 ёшида вафот этди. Бу ҳақда хабар берган «Дарё» мухбирининг аниқлик киритишича, марҳум Қарши шаҳридаги хусусий клиникаларнинг бирида фаолият юритган.
«Дарё» мухбири билан суҳбатлашган хусусий клиника масъулларининг таъкидлашича, бемор сўнгги бир ой давомида коронавирус касаллигидан даволаниб келган.
Марҳум Тўрақул Холиқов 1955 йил Қашқадарё вилоятининг Касби туманида туғилган бўлиб, хусусий клиникага ишга ўтишдан аввал Ғузор туман тиббиёт бирлашмаси бош шифокори сифатида ишлаган.
Эслатиб ўтамиз, аввалроқ Чироқчи туман тиббиёт бирлашмаси бош шифокори Тўлқин Ашуров ҳам коронавирусдан вафот этгани ҳақида хабар берилганди. Ундан аввал эса вилоят соғлиқни сақлаш бошқармаси бошлиғи ўринбосари, бошқарма ҳузуридаги COVID-19’га қарши курашни мувофиқлаштирувчи штаб раҳбари Шерали Нурматов 61 ёшида вафот этганди.
Изоҳ (0)