Мустақиллик куни муносабати билан 31 август ва 1—2 сентябрь кунлари Тошкент метрополитенида ҳаракатланиш бепул бўлади. Бу ҳақда Транспорт вазирлиги хабар берди.
Эслатиб ўтамиз, 29 август куни Тошкент метроси «Юнусобод» йўналишида янги икки станция — «Юнусобод» ва «Туркистон» иш бошлаган эди, 30 август куни тонгдан эса «Дўстлик-2» ва «Қўйлиқ» станциялари оралиғидаги янги ер усти метро йўли ишга тушди.
Аввалроқ Мустақиллик кунида Тошкент шаҳри ва вилоятлар марказларида оммавий сайиллар ва байрам мушакбозликлари бўлмаслиги ҳақида хабар берилган, Коронавирусга қарши кураш бўйича Республика махсус комиссияси аҳолига байрамни оила даврасида нишонлашни тавсия қилган эди.
Изоҳ (0)