Профессионал бокснинг оғир вазн тоифаси вакили британиялик боксчи Диллиан Уайт (26-1, 18 КО) мазкур дивизионда WBA, WBO, IBF ва IBO камарлари соҳиби Энтони Жошуага (23-1, 21 КО) ҳақидаги фикрлари билан бўлишди.
«Агар у Поветкинга қарши жангимдан кейин рингга чиқадиган бўлса, у ҳолда жанг қилишимизга тўғри келади. Энтони буни ўйин деб ўйламоқда, аммо мен ўйнамаяпман. Барча бир-биримизнинг юзимизга қараб бақириш билан ўтиб кетади деб ўйлаяпти, бироқ Жошуа бу ишни қилса, жанг бўлади.
Поветкинга қарши жангимда Жошуанинг кимга мухлислик қилиши мен учун қизиқ эмас. У бугун бир гап айтади, эртасига эса бошқасини. Унда мантиқ деган нарса йўқ.
У шунчаки бўлмағур нарсалар ҳақида кўп гапиради. Ҳар доим валдирайверадиган одамлардан чарчадим», — дейди Уайт.
Маълумот учун, Диллиан Уайт фаолиятидаги ягона мағлубиятни 2015 йилнинг декабрида Энтони Жошуага қарши бўлиб ўтган жангда қабул қилиб олган.
Эслатиб ўтамиз, Диллиан Уайт россиялик боксчини мағлуб этадиган бўлса, у ҳолда Тайсон Фьюри ва Деонтей Уайлдер ўртасидаги жанг ғолиби билан рингга кўтарилади.
Изоҳ (0)