«Интер» клуби «Барселона» сардори Лионель Мессига бўлган қизиқишини сақлаб турибди.
Sport Mediaset нашрининг хабар қилишича, миланликлар клуби Мессини 2021 йилнинг ёзида ўз сафига қўшиб олишга уринади.
«Интер» аргентиналик футболчининг олиб келиниши жамоа имижига қай даражада фойда келтиришини яхши англаб турибди. Леонинг трансфери ҳомийлар ва рекламаларнинг кўпайишига хизмат қилади.
Шу сабаб «Интер» ҳужумчига «Барселона»даги маошига яқин миқдордаги пул таклиф қилишга тайёр. Ҳозирда Месси каталонлар сафида йилига 50 миллион еврога яқин топади.
Бундан ташқари Мессининг отаси ўз бизнесини Миланга кўчиради ва у ердан уй харид қилишга ҳам улгурган. Бироқ отасининг кўчиши Леонинг «Интер»га ўтиши билан умуман боғлиқ эмас. Хорхе Месси Испаниядаги солиқ қонунчилиги сабаб мана шу қарорга келган.
Месси «Барселона»да содир бўлаётган сўнгги ишлардан норози, италян клуби унинг бу кайфиятидан фойдаланиб қолишни режа қилмоқда. Аргентиналик ўйинчининг «Барса»га бўлган садоқати барчага маълум, бироқ у жамоанинг мунтазам муаммога учрашидан чарчаган.
Мессининг «Барселона» билан амалдаги шартномаси 2021 йилга қадар мўлжалланган. Томонлар ҳозирча янги келишув борасида бирор қарорга келмади.
Жорий мавсум Месси «Барселона» сафида Ла Лигада 33 ўйин ўтказиб, 25 гол ва 23 та голли узатмага муаллифлик қилди. У 2019/20 йилги мавсумнинг энг яхши тўпурари ва ассистентига айланди.
Лионель Месси 10-рақамни олишдан олдин қандай голлар урган? (видео)
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)