Сирдарё вилояти Гулистон шаҳрида Nexia русумли автомобиль юк машинасига урилиши оқибатида бир киши ҳалок бўлди, деб хабар берди ЙҲХББ ахборот хизмати.
Қайд этилишича, 2020 йил 23 июль куни соат 19:30 ларда, Сирдарё вилояти Гулистон шаҳар, «Баҳор» МФЙ ҳудудидан ўтувчи М–34 халқаро аҳамиятдаги автомобиль йўлининг 111-километрида ҳайдовчи, 1989 йилда туғилган Ғ.Қ. Nexia русумли транспорт воситасини Тошкент—Душанбе йўналишида бошқариб кетаётиб, ўзидан олдинда қайрилиш мумкин бўлган жойдан ортга қайрилаётган ҳайдовчи З.К. бошқарувида бўлган HOWO юк автомашинасининг орқа томонига урилиб, ЙТҲ содир этган.
ЙТҲ оқибатида Nexia русумли транспорт воситаси ҳайдовчиси 31 ёшли Ғ.Қ. оғир тан жароҳатлари билан шифохонада вафот этган. Ушбу автомашина йўловчилари 2000 йилда туғилган Б.Турдиев ва М.Бобошеров тан жароҳати олиб шифохонага ётқизилган.
Мазкур ЙТҲ юзасидан Сирдарё вилояти ИИБ Тергов департаменти томонидан терговолди суриштирув ишлари олиб борилмоқда.
Изоҳ (0)