Ўзбекистонда 2021 йил якунигача 3 минг гектарда плантация шаклида интенсив боғлар барпо этилиб, янги тартиб асосида аҳолига 1-1,5 гектардан тарқатган ҳолда, 2-2,5 минг оиланинг бандлиги таъминланади. Бу ҳақда Президент Шавкат Мирзиёев 23 июль, пайшанба куни ўтказилган видеоселектор йиғилишида топшириқ берди.
Қайд этилишича, мева-сабзавотчилик кооператив ва кластерлари фаолиятини қўллаб-қувватлаш учун 212 миллион доллар ажратилиши белгиланган.
Президент ички бозорни арзон маҳсулотлар билан таъминлаш, «даладан истеъмолчигача» тизимини жорий этишда мева-сабзавотчилик кластерлари асосий драйвер бўлиши кераклигини таъкидлади.
Мавзуга доир: Ўзбекистонда қишлоқ хўжалиги соҳасида илмни ривожлантириш учун 126 млн доллар йўналтирилади
Туманларни қишлоқ хўжалиги маҳсулотлари етиштиришга ихтисослаштириш масаласи ҳам кўриб чиқилди. Бу борада Жиззах вилояти намуна бўлиб, келгуси уч йилда вилоятда қарийб 120 минг гектарга яқин ер ўзлаштирилиши, боғ ва токзорлар ташкил қилиниб, мойли экинлар экилиши режалаштирилган.
Бу тажрибани босқичма-босқич барча ҳудудларда жорий қилиш, ҳар бир туманда кўпи билан 3-4 та экспортбоп ва юқори даромад берувчи маҳсулот етиштиришни йўлга қўйиш зарурлиги қайд этилди.
Мавзуга доир: «Ҳар бир оила — тадбиркор» дастури доирасида янги боғ ва токзорлар барпо этиш учун 1 трлн сўм йўналтирилади
Шунингдек, Президент томонидан 2019 йил 9 декабрь куни ўтказилган йиғилишда мамлакатда мева-сабзавотчиликда кластер тизимини йўлга қўйиш бўйича топшириқ берилган.
Мавзуга доир: Ўзбекистонда 2020 йилда 6,4 млн тонна ғалла етиштирилди
Изоҳ (0)