Ўзбек миллий академик драма театри актрисаси, Ўзбекистон халқ артисти Муқаддас Холиқова ҳамда унинг оила аъзолари коронавирусга чалингани ҳақида хабар берилган эди.
19 июль куни ижтимоий тармоқларда Муқаддас Холиқованинг вафот этгани ҳақида хабарлар тарқалди.
Актрисанинг қизи Зебинисо Холиқова бундай асоссиз хабарлар тарқатаётган Telegram каналлари устидан ҳуқуқ-тартибот органларига мурожаат қилишини билдирди.
«Ёлғон хабар тарқатаётган азиз блогерлар, инсоннинг ҳаёти сиз учун ўйинчоқми? Кимнингдир ҳаётини ўйин қилиб каналингиз ривожи учун инсонлар соғлиги — саломатлиги ҳақида ёлғон хабар тарқатманг! Онам бетоблар! Худо хоҳласа тузалиб кўрмагандек бўлиб кетадилар! Лекин ёлғон хабар тарқатманглар. Қариндош-уруғларимиз ва яқинларимиз соғлиги сизга ўйин эмас!», — деб ёзади Зебинисо Холиқова.
Изоҳ (0)