ҚҚС тўловчиларга тезкор сервис хизматлари кўрсатиш мақсадида «Маслаҳат маркази» ташкил этилди

Тошкент шаҳар давлат солиқ бошқармаси томонидан қўшилган қиймат солиғи тўловчиларга хизмат кўрсатишда замонавий ёндашувларни жорий этиш ва тезкор сервис хизматлари кўрсатиш мақсадида «Маслаҳат маркази» ташкил этилди. Бу ҳақда Тошкент шаҳар давлат солиқ бошқармаси «Дарё»га хабар қилди.

Шунингдек, солиқ тўловчилар билан электрон мулоқотни кенгайтириш орқали вақтни тежаш ҳамда улардан келиб тушаётган мурожаатларни тўлиқ қамраб олиш мақсадида махсус Telegram канали очилди.

Қайд этилишича, 2020 йилнинг 30 июнидан 8 июлига қадар Тошкентда рўйхатдан ўтган қўшилган қиймат солиғи тўловчиси бўлган хўжалик юритувчи субъектлардан жами 8 113 та мурожаат келиб тушди.

Тошкент шаҳар давлат солиқ бошқармасининг Telegram канали орқали солиқ тўловчилар томонидан жами 5 192 та мурожаат йўлланди. Мурожаатларнинг 2698 таси айнан қўшилган қиймат солиғи билан боғлиқ масалалардан иборат бўлди.

Эслатиб ўтамиз, Тошкент шаҳрида рўйхатдан ўтган ҚҚС тўловчиси бўлган хўжалик юритувчи субъектлар Тошкент шаҳар давлат солиқ бошқармасида ташкил этилган «Маслаҳат маркази»нинг қуйидаги телефон рақамларига қўнғироқ қилиб барча саволларига жавоб олиши мумкин.

Тушумлар тўғрисида маълумотнома ва шахсий ҳисобварақ билан боғлиқ масалалар бўйича: 71-241-83-12

Солиқ маъмурчилиги бўйича (Камерал текширув ва қайта ҳисоботларнинг топширилиши): 78-140-32-63; 78-140-32-13; 78-140-32-23; 78-140-32-46; 71-244-57-08.

Юридик шахсларга солиқ солиш бўйича:

• 78-140-32-31 (Умумий саволлар);
•  78-140-32-68 (ҚҚС ва фойда солиғи бўйича ҳисоботлар);
• 78-140-32-92 (ЖШДС подоход ва ШЖБПТ);
• 71-241-84-27 (Ресурс солиқлари);
• 71-244-56-90 (4 ва 8 форма).

Солиқ солиш бўйича маслаҳат: 78-140-32-30, 71-241-83-65