Африкада коронавирус инфекциясига чалинган одамлар сони 507 минг нафардан ошган, ўлим ҳолатларининг сони 12 мингтага яқинлашган. Бу ҳақда Жаҳон соғлиқни салқаш ташкилотининг минтақавий ваколатхонаси маълумотига таяниб «РИА Новости» хабар қилди.
Ташкилот берган ахборотга кўра, Африкада 507 187 кишида коронавирус инфекцияси аниқланган, 11 959 нафар бемор касаллик асоратлари оқибатида ҳаётдан кўз юмган.
Энг кўп касалланиш ҳолатлари Жанубий Африкада (ЖАР) 215 855 та ва Мисрда (77 279) кузатилган. Энг кўп ўлим ҳолатлари Мисрда (3489), ЖАРда (3502) ва Жазоирда (968) қайд этилган.
Жаҳон соғлиқни сақлаш ташкилоти 11 мартда коронавирус инфекциясининг бутун дунёда тарқалишини пандемия даражасига чиққанини эълон қилган. Ташкилот юритаётган статистикага кўра, бутун дунёда 11,5 миллион нафардан кўпроқ одамда COVID-19 аниқланган, 535 минг нафардан зиёд бемор инфекция асоратлари оқибатида вафот этган.
Изоҳ (0)