Ухань вирусология институтида 7 йил давомида бутун дунёда пандемия бошланишига сабабчи бўлган коронавирусга ўхшаш намуналар сақлангани маълум бўлди. Коронавирус пневмония билан бир йўла олти нафари касалланган Хитой жануби-ғарбидаги кончилардан олинган. Бу ҳақда The Sunday Times суриштирувига таяниб Bloomberg хабар қилган.
Хабарда қайд этилишича касалланган кон ишчиларининг уч нафари катта эҳтимол билан коронавирус инфекцияси асоратларидан вафот этган. Нашр мазкур маълумотларни тақдим қилишда тезкор тиббий ёрдам бўлимида ишлаб, беморларни даволаган шифокорнинг сўзларига таянган.
Шунингдек, 2020 йил февралида нашр қилинган COVID-19 ҳақидаги маълумотларда коронавируснинг 2013 йилда тарқалган RaTG13 коронавирусига 96,2 фоизга ўхшаши қайд этилган. RaTG13 эса кон шахтасидан топилган.
Аммо май ойига келиб Ухандаги вирусология институти директори лабораторияда RaTG13 вирусининг жонли нусхаси йўқлиги, инфекциянинг бу ердан тарқалгани ҳақидаги гап-сўзларда мантиқ йўқлиги ҳақида гапирган.
Мавзуга доир: Олимлар иммунитет ҳосил бўлиши учун қанча одам коронавирусга чалиниши кераклигини маълум қилди
Эслатиб ўтамиз, май ойида Жаҳон соғлиқни сақлаш ташкилоти мутахассислари COVID-19’нинг Хитой ҳудудидан ташқарида пайдо бўлгани ҳақидаги хабарларни инкор қилган, бироқ аввал вируснинг бутун дунё бўйлаб ҳаракатланган бўлиши мумкинлигини тасдиқлаганди.
Изоҳ (0)