Бразилия президенти Жаир Болсонару жамоат жойларида ва жамоат транспортида ниқоб тақиб юриш мажбурий этиб белгиланган қонунга вето қўйди, деб хабар бермоқда «РИА Новости» G1’га таяниб.
Унга кўра, давлат идораларида, шунингдек, савдо, саноат, диний муассасалар ва одамлар тўпланадиган бошқа ёпиқ жойларда ниқоб тақилиши шарт.
Ташкилотлар ходимлар ва мижозларни ниқоблар билан бепул таъминлашга мажбур эмас.
Жонс Ҳопкинс университети маълумотларига кўра, Бразилияда эпидемия бошланганидан буён 1,5 миллиондан ортиқ киши коронавирусга чалинган, улардан 987 мингдан ортиғи соғайган, 61 884 киши вафот этган.
Эслатиб ўтамиз, Бразилия 19 май куни коронавирус билан касалланганлар сони бўйича Британиядан ўзиб кетиб, дунёда 3-ўринга чиқиб олган бўлса, 23 май куни Россиядан ўтиб, 2-ўринга кўтарилганди. Мамлакат Соғлиқни сақлаш вазирлиги 5 июндан Бразилиядаги коронавирусга оид муҳим статистикани эълон қилишни тўхтатиб қўйган.
Аввалроқ Жаир Болсонару АҚШ каби йўл тутиб, Жаҳон соғлиқни сақлаш ташкилотидан чиқиб кетишини маълум қилганди.
Изоҳ (0)