Қозоғистонда ўтган бир сутка ичида яна 492 кишида коронавирус аниқланди, деб хабар берди Tengrinews.

Мамлакат бўйлаб касаллар сонининг ортиши 2,3 фоизни ташкил этмоқда. Коронавирусга чалиниш бўйича янги ҳолатлар қуйидаги ҳудудларда аниқланган:

• Олмаота шаҳри — 59 (1,6 фоиз);
• Нур-Султон шаҳри — 57 (1,5 фоиз);
• Шарқий Қозоғистон вилояти — 51 (6,9 фоиз);
• Қарағанда вилояти — 49 (2,2 фоиз);
• Чимкент шаҳри — 38 (2,4 фоиз);
• Ақтўбе вилояти — 34 (4,1 фоиз);
• Ғарбий Қозоғистон вилояти — 31 (2,2 фоиз);
• Павлодар вилояти — 31 (4,4 фоиз);
• Костанай вилояти — 27 (5,7 фоиз);
• Атирау вилояти — 23 (1,4 фоиз);
• Шимолий Қозоғистон вилояти — 22 (5,8 фоиз);
• Олмаота вилояти — 19 (2,7 фоиз);
• Туркистон вилояти — 14 (1,7 фоиз);
• Қизилўрда вилояти — 11 (1,7 фоиз);
• Ақмўла вилояти — 10 (2,1 фоиз);
• Жамбил вилояти — 10 (1,5 фоиз);
• Манғистов вилояти — 6 (1,3 фоиз).

Бутун мамлакат бўйлаб коронавирусга чалинганлар сони 21 819 кишига етган. Ҳозирга қадар 13 008 киши соғайган, 188 киши вирус қурбонига айланган. Шунингдек, 17 642 киши коронавирусни белгисиз ташувчи сифатида қайд этилган.Қирғизистонда 30 июнь ҳолатига кўра, яна 279 кишида коронавирус инфекцияси аниқланди. Бу ҳақда мамлакат Соғлиқни сақлаш вазирлигига таяниб, Kloop хабар берди.

Коронавирусга чалинган янги касалларнинг 182 нафари Бишкек шаҳри ҳисобига тўғри келмоқда. Шунингдек, қуйидаги ҳудудларда ҳам коронавирус билан касалланиш бўйича янги ҳолатлар қайд этилган:

• Чуй вилояти — 36;
• Ўш вилояти — 1;
• Ўш шаҳри — 1;
• Жалолобод вилояти — 7;
• Иссиқкўл вилояти — 18;
• Норин вилояти — 10;
• Талас вилояти — 15;
• Боткен вилояти — 9.

Ўтган бир сутка ичида 52 кишига шифохоналардан жавоб берилган.

Бутун мамлакат бўйлаб COVID-19 билан касалланганлар сони 5296 кишига етди, уларнинг 57 нафари вирус қурбонига айланган. Ҳозирга қадар 2370 нафар бемор даволанишга муваффақ бўлган.

Афғонистонда ўтган бир сутка ичида яна 271 кишида коронавирус аниқланди, деб хабар беради Tolo News.

Мамлакат Соғлиқни сақлаш вазирлигининг маълумотларига кўра, Афғонистонда коронавирусга чалинганлар сони 31 238 кишини ташкил этмоқда.

Бутун мамлакат бўйлаб коронавирусдан ҳозирга қадар 13 934 бемор даволанишга муваффақ бўлди. Ўтган бир сутканинг ўзида 1330 киши соғайган. Умумий ҳисобда 733 киши касаллик оқибатида вафот этган. Аввалроқ эса Афғонистонда умумий ҳисобда 737 киши COVID-19 қурбонига айлангани тўғрисида хабар берилганди.

Тожикистонда коронавирус билан касалланганлар сони 5900 кишига етди, деб хабар берди Асиа Plus. Ўтган сутка давомида яна 51 кишида коронавирус аниқланган.

Мамлакатда ўтган бир сутка ичида 58 кишига шифохонадан жавоб берилган. Тожикистонда ҳозирга қадар 52 киши COVID-19 қурбонига айланган, 4506 бемор даволанишга муваффақ бўлган. Ҳозирда коронавирусга чалинган 264 нафар бемор шифокорлар назорати остида қолмоқда.