Тошкент тиббиёт академиясининг кўп тармоқли клиникасида яна 59 нафар, Эпидемиология, микробиология ва юқумли касалликлар илмий-текшириш институти клиникасида 5 нафар, Самарқанд вилоятида эса 15 нафар, жами 79 нафар коронавирус инфекциясига чалинган бемор соғайди, деб хабар бермоқда ССВ матбуот хизмати.
Тошкент тиббиёт академиясининг кўп тармоқли клиникасида тузалганларнинг 43 нафари эркак, 16 нафари аёл бўлиб, ёши каттаси 64 ёшда, кичиги эса 2019 йил туғилган. Ҳудудлар кесимида олинса, Тошкент шаҳридан 15 нафар, Наманган вилоятидан 10 нафар, Тошкент вилоятидан 9 нафар, Самарқанд вилоятидан 5 нафар, Бухоро ва Сурхондарё вилоятларидан 4 нафардан, Қорақалпоғистон Республикаси ва Фарғона вилоятидан 3 нафардан, Сирдарё, Қашқадарё вилоятлари ва Тожикистон республикасидан 2 нафардан.
Эпидемиология, микробиология ва юқумли касалликлар илмий-текшириш институти клиникасида тузалганларнинг барчаси эркак бўлиб, ёши каттаси 37 ёшда, ёши кичиги 16 ёшда. Ҳудудлар кесимида олинса, Тошкент шаҳридан 3 нафар, Фарғона вилоятидан 2 нафар.
Эндиликда Тошкент шаҳрида коронавирус инфекциясидан соғайганлар сони 1854 нафарга етди.
Самарқанд вилоятида тузалганлар барчаси вилоятнинг ўзидан (Самарқанд шаҳри ва Пайариқ туманидан 4 нафардан, Тойлоқ ва Самарқанд туманларидан 2 нафардан, Иштихон, Ургут ва Пастдарғом туманларидан 1 нафардан). Уларнинг 9 нафари эркак, 6 нафари аёл бўлиб, энг каттаси 58 ёшда, энг кичиги эса 5 ёшда.
Эндиликда вилоятда тузалганлар 351 нафарга етди.
Ўзбекистонда коронавирусдан соғайганлар сони 3758 нафарни ташкил этаётганди. Эндиликда улар сони 3837 нафарга етди.
Касалланганларнинг умумий сони эса 13 июнь соат 10:30 ҳолатига кўра 4901 нафарга етди, вирус асоратларидан 19 киши вафот этган.
Изоҳ (0)