Ўзбекистонда коронавирусдан соғайганлар сони 3700 нафарга етди

Тошкентдаги Вирусология илмий-текшириш институти клиникасида 9 нафар, Тошкент тиббиёт академияси кўп тармоқли клиникасида 50 нафар, Эпидемиология, микробиология ва юқумли касалликлар илмий-текшириш институти клиникасида 4 нафар, жами 63 нафар бемор соғайди ва реабилитацияга кузатилди, деб хабар бермоқда ССВ матбуот хизмати.

Вирусология илмий-текшириш институти клиникасида тузалганларнинг 7 нафари эркак, 2 нафари аёл бўлиб, энг каттаси 55 ёшда, энг кичиги 2016 йил туғилган.

Тошкент тиббиёт академияси кўп тармоқли клиникасида тузалганларнинг 48 нафари эркак, 2 нафари аёл бўлиб, энг каттаси 46 ёшда, энг кичиги 2017 йил туғилган. Ҳудудлар кесимида олинса, Тошкент шаҳридан 46 нафар, Тошкент вилояти ва Сирдарё вилоятларидан 2 нафардан.

Эпидемиология, микробиология ва юқумли касалликлар илмий-текшириш институти клиникасида тузалганларнинг 3 нафари эркак, 1 нафари аёл бўлиб, энг каттаси 38 ёшда, энг кичиги 5 ёшда. Ҳудудлар кесимида олинса, Сурхондарё вилоятидан 2 нафар, Тошкент шаҳри ва Фарғона вилоятидан 1 нафардан.

Эндиликда Тошкент шаҳридан коронавирус инфекциясидан соғайганлар сони 1733 нафарга етди.

Бундан аввал Ўзбекистонда жами соғайганлар сони 3637 нафарни ташкил этаётгани хабар берилган эди. Эндиликда улар сони 3700 нафарга етди.

Касалланганларнинг умумий сони эса 12 июнь соат 10:00 ҳолатига кўра 4819 нафарни ташкил қилмоқда, вирус асоратларидан 19 киши вафот этган.