Самарқанд вилоятининг Пайариқ туманида қайд этилган коронавирусга чалиниш ҳолатларининг 11 таси тиббиёт ходимларида аниқланган. Бу ҳақда туман ҳокимлиги ахборот хизмати маълум қилди.
Хабар беришларича, туманда ҳозиргача 28 кишида коронавирус аниқланган бўлиб, уларнинг 11 нафари (10 нафари вилоят, 1 нафари туман) тиббиёт ходими, 1 нафари туман газ идораси ходими, 1 нафари ИИБ ходими, 3 нафари мавсумий ишчи, 1 нафари ҳайдовчи, 1 нафари тадбиркор, 4 нафари уй бекаси, 2 нафари мактаб ўқувчиси, 4 нафари пенсионер.
«Юқоридаги ҳолатдан келиб чиқиб барча фуқароларимиздан қонунларга итоаткорликни ошириб, бир ёқадан бош чиқариб,.. англаб,.. курашишга чақирамиз», — дейилади туман ҳокимлиги ахборотида.
Эслатиб ўтамиз, 30 май соат 23:00 ҳолатига кўра бутун Самарқанд вилоятида коронавирус инфекциясини юқтириб олиш билан боғлиқ 360 та ҳолат қайд этилган; беморларнинг 274 нафари (76 фоизи) соғайган, икки нафари вафот этган.
Вилоятнинг Оқдарё, Иштихон, Пастдарғом, Пайариқ, Самарқанд, Тойлоқ, Ургут туманлари ва Самарқанд шаҳри ҳам «қизил» ҳудудлар қаторига киритилган.
Изоҳ (0)