Forbes Кайли Женнерни миллиардер деб атамасликка қарор қилди. У ўзининг бизнеси ҳақида ёлғон сўзлаган

Forbes журнали америкалик модель Кайли Женнернинг бойлигини қайтадан баҳолаб, унинг қийматини миллиард доллардан 900 миллион долларга тушириб юборди.

Маълумотларга кўра, Женнер 340 миллион долларни 2019 йилнинг ноябрида унинг косметика брендини харид қилиш тўғрисидаги қарорни эълон қилган Coty битими натижасида қўлга киритган.

Женнернинг Kylie Cosmetics’даги улуши таъкидланганидек 49 фоизни эмас, балки 44,1 фоизни ташкил этади. Бундан ташқари, коронавирус пандемиясининг иқтисодиётга таъсири сабаб улушдаги фоизлар қиймати арзонлашган.

Шунингдек, Forbes Женнернинг оиласи 2016 йилдан буён ҳар йили бизнеснинг кўлами ва муваффақияти ҳақида ёлғон сўзлаб келган.

Нашрнинг маълум қилишича, Женнерлар оиласининг ҳисобчиси журналга катта эҳтимол билан ёлғон маълумотлар қайд этилган солиқ декларациясини тақдим этган.

Эслатиб ўтамиз, апрель ойида Ким Кардашьяннинг 22 яшар синглиси Кайли Женнер Forbes рейтингига кўра, энг ёш миллиардер деб топилганди.