Трамп коронавирусга чалинишнинг олдини олиш учун безгакни даволашга мўлжалланган препарат — гидроксихлорин қабул қилаётганини маълум қилди, деб хабар бермоқда CNN.
Президентнинг айтишича, у препаратни бир ярим ҳафтадан бери қабул қилмоқда. Трамп уни қабул қилишдан олдин Оқ уйдаги шифокор билан маслаҳатлашганини таъкидлаган.
Дональд Трамп безгакка қарши гидроксихлорохин ва хлорохин препаратларининг коронавирусни даволашдаги таъсирини бир неча бор ижобий баҳолаган. Хусусан, безгакка қарши препаратларнинг самарадорлиги ҳақида 19 март куни ўтказилган матбуот анжуманида айтган бўлиб, эртаси куниёқ унга бўлган талаб 46 баравар ошганди.
Мутахассислар эса COVID-19’ни даволашда расман тасдиқланмаган ушбу препаратлар ҳақида бундай хулосага келишга ҳали эрта эканлигини айтиб, унинг кўплаб салбий таъсирлари борлигидан огоҳлантирган.
Мутахассисларнинг фикрича, юрак касаллиги бўлган беморлар, шунингдек, юрак уришига таъсир ўтказувчи антидепрессантларни қабул қиладиган одамларда ушбу препаратларни қабул қилиш ўлим билан якунланиши эҳтимоли бор.
Мавзуга доир:
- Коронавирусни 48 соатда кучсизлантира оладиган препарат номи ошкор этилди
- Россия, АҚШ ва бошқа мамлакатлар тажрибаси. Коронавирусдан безгакка қарши дорилар ёрдамида даволанса бўладими?
- Безгакка қарши дори коронавирусни даволайдими? COVID-19’га қарши гидроксихлорохин ва азитромициннинг самараси ҳақида
Изоҳ (0)