Словакиялик мураббий Станислав Мацек «Боруссия Д» ҳужумчиси Эрлинг Ҳоланд борасидаги фикрлари билан ўртоқлашди. Улар «Зальцбург» клубида бирга ишлаган.
«Эрлинг нимани хоҳлаётганини билади. Сизларга у ҳақда қизиқ воқеани айтиб беришим мумкин. Унинг ёқтирган қизи Норвегиядан. Қиз бир куни Зальцбургга, унинг ёнига келди. Бир неча кундан кейин эса ортига қайтиб кетди. Чунки Эрлинг унга эътиборини футболга қаратиши лозимлигини айтган.
Ҳоландни кўриб, жуда ҳайрон қолгандим. У худди профессионаллардек ҳаракат қиладиган ёш иқтидор эгаси эди. Ҳоланд менга шундай дерди: ‘Чўққига чиқиш учун тезлик билан эмас, тиришқоқлик билан ишлаш керак’. У тўхтовсиз меҳнат қилади.
Ҳоланд — янги Ибрагимович. Уни ҳатто ҳаракатлар ва тезликда Златандан яхшироқ деб ҳисоблайман. Эрлинг ўз касбига ажойиб муносабатда бўлади. У «Боруссия»га ўтиб катта қадам ташлади. Ҳозирда у Германияда энг яхшилардан бири. Агар Ҳоланд шу тариқа ўсишда давом этса, уни яқин орада янада каттароқ клубда кўришимиз мумкин. Масалан «Реал»да. Мадридда доим энг яхшилар тўп сурган ва Эрлинг — улардан бири. Шубҳасиз, у «Реал» учун яратилган», — дейди Мацек.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)