Фарғона вилоятининг Учкўприк туманида Рамазон ойи муносабати билан 950 та эҳтиёжманд оилага 15 турдаги озиқ-овқат маҳсулотлари тарқатилди, дея хабар бермоқда «Дарё» мухбири.
Таъкидланишича, туманда «Саховат ва кўмак» автокарвони ташкил этилиб, бир ҳафта давомида кам таъминланган, кўп фарзандли, карантин сабаб даромад манбасидан ажралган, ишсиз, ногирон, боқувчисини йўқотганларга озиқ-овқат маҳсулотлари улашилган.
Томорқадан унумли фойдаланиш мақсадида аҳолига озиқ-овқат маҳсулотлари билан бирга сабзавот кўчатлари ҳам тарқатилган.
Учкўприк тумани ҳокими Акмал Маҳмудалиевнинг айтишича, «Саховат ва кўмак» умумхалқ ҳаракати тумандаги 400 дан ортиқ тадбиркор томонидан қўллаб-қувватланган. Улар уч ой мобайнида 2118 та оилани ўз қарамоғига олган.
Эҳтиёжманд оилаларнинг 900 нафар вакили фермер хўжаликлари томонидан мавсумий ишга жалб қилинган.
Изоҳ (0)