Россияда сўнгги бир суткада коронавирусга чалиниш бўйича 10 633 та ҳолат аниқланиб, қайд этилган касалланишлар сони 134 687 кишига етди, деб хабар бермоқда Касалликка қарши кураш бўйича тезкор штаб.
Қайд этилишича, бу сутка давомида касалланишлар сони ортгани бўйича янги рекорд ҳисобланади. Аввалги рекорд бир кун аввал қайд этилган бўлиб, унда 9,6 минг кишида коронавирус аниқланганди.
Янги касалланганларнинг ярмидан кўпи (5 345 киши) коронавирусга чалинганлар билан алоқада бўлиб, вирусни юқтирган. Сутка давомида касалланганларнинг қарийб 6 минг нафари Москва шаҳрида бўлиб, бу ерда умумий ҳисобда 68,6 минг нафар киши коронавирусга чалингани қайд этилган.
Мавзуга доир: Москва мери айни пайтда шаҳар аҳолисининг қанча қисми коронавирусга чалинганини маълум қилди
Аввалроқ Россия коронавирусга чалинганлар сони бўйича Хитойдан ўтиб кетгани, россиялик олим коронавируснинг ўзига хос хусусиятини маълум қилгани хабар берилган эди.
Изоҳ (0)