Давлат статистика қўмитаси Ўзбекистоннинг марказий ҳудудларидаги ош марказларида ўтказилган кузатув натижалари бўйича паловнинг 2020 йил апрель ойи учун ўртача нархларини шакллантирди.
Кузатувларга кўра, апрель ойида Тошкент шаҳрида 1 порция палов нархи 17 750 сўм (март ойига нисбатан 1 750 сўмга қиммат), Қорақалпоғистон Республикасида 12 333 сўм (+166), Андижон вилоятида 14 800 сўм (+400 сўм) ва Қашқадарё вилоятида 16 250 сўмни (+250 сўм) ташкил этган.
Қолган ҳудудларда 1 порция палов нархи ўзгаришсиз қолган: Бухорода 16 минг сўм, Жиззахда 15 минг сўм, Навоийда 13 минг сўм, Наманганда 11 571 сўм, Самарқандда 16 667 сўм, Сурхондарёда 11 800 сўм, Тошкент вилоятида 13 667 сўм, Фарғонада 15 250 сўм, Сирдарё ва Хоразмда 14 минг сўмдан.
Шундан келиб чиқиб, апрель ойида Тошкент шаҳрида бир кило (етти порция) ош 124 250 сўм, Қорақалпоғистонда 86 331 сўм, Андижонда 103,6 минг сўм, бухорода 112 минг сўм, Жиззахда 105 минг сўм, Қашқадарёда 113 750 сўм, Навоийда 91 минг сўм, Самарқандда 116 669 сўм, Сурхондарёда 82,6 минг сўм, Сирдарё ва Хоразмда 98 минг сўм, Тошкент вилоятида 95 669 сўм, Фарғона вилоятида 106 750 сўмни ташкил этмоқда.
Давлат статистика қўмитасининг алоҳида қайд этишича, нархларни рўйхатга олувчи томонидан кузатув ўтказилган кун ва вақтдаги нарх-наво қайд этилиб, бунда вақт ва жойига қараб нархлар ўзгариб туради.
«Мазкур маълумотларнинг шаклланиши жараёнида фақатгина танлаб олинган умумий овқатланиш муассасалари (ош марказлари) даги паловнинг ўртача нархлари ҳисобга олинган бўлиб, ресторан ва чойхоналардаги нархлар инобатга олинмаган», — дейилади қўмита ахборотида.
Изоҳ (0)