Коронавирус пандемияси шароитида Президент Халқ қабулхоналарига келиб тушаётган мурожаатлар ва уларнинг ижроси алоҳида қатъий назоратга олинган. Хусусан, Бухоро вилоят, туман ва шаҳар халқ қабулхоналарига мурожаатларни қабул қилиш учун «онлайн конференциялар» ва «ишонч телефонлари» ташкил қилинган. Ҳар бир халқ қабулхонасининг олдида мурожаатлар учун махсус қутилар ўрнатилган. Бу ҳақда «Дарё»га халқ қабулхонаси ахборот хизмати хабар берди.
Маълум қилинишича, жорий йилнинг 16 мартидан 20 апрель кунига қадар вилоятнинг халқ қабулхоналарига келиб тушган 600 га яқин мурожаат ўз вақтида кўриб чиқилиб, уларнинг 382 таси (64%) зудлик билан қаноатлантирилган. Мурожаатларнинг 215 таси ўрганиш учун вақт ва маблағ талаб қилганлиги сабабли муддат белгиланган.
Жумладан, карантин даврида вилоят халқ қабулхонасига энг кўп: моддий ёрдам ва зарур озиқ-овқат таъминоти — 102 та, давлат ташкилотлари ходимларининг хатти-ҳаракати юзасидан шикоят — 66 та, карантин билан боғлиқ муаммолар — 62 та, иш билан таъминлаш — 35 та, тадбиркорлик фаолиятига оид — 22 та, электр энергия ва табиий газ таъминоти юзасидан 17 та мурожаатлар келиб тушган.
Ўтган давр мобайнида моддий ёрдамга муҳтож 1200 нафар фуқаронинг 700 тасига 100 миллион сўмга яқин зарур озиқ-овқат маҳсулотлари етказиб берилган.Шу билан бирга, Бухоро вилояти Бандлик бош бошқармаси билан ҳамкорликда оғир аҳволга тушиб қолган, карантин туфайли даромад манбасидан айрилган 500 дан зиёд фуқарони жамоатчилик асосида маош тўланадиган ишга жойлаштириш чоралари кўрилган.
Фуқаролардан келиб тушаётган талаб ва таклифлар асосида сайёр арзонлаштирилган озиқ-овқат маҳсулотлари, дори-дармон воситалари савдоси вилоятнинг Олот, Қўракўл, Ромитан, Пешку каби туманларидаги 100 га яқин энг чекка аҳоли пунктларида ташкил этилган.
Эслатиб ўтамиз, карантин қоидаларига қатъий риоя қилган ҳолда, ўзингиз ва оила аъзоларингизнинг хавфсизлигини таъминлаш учун уйдан чиқмаган ҳолда Президент халқ қабулхоналарига мурожаат қилишингиз мумкин.
Бухоро вилояти Президент Халқ қабулхоналарида ташкил қилинган «Ишонч телефонлари»:
- Бухоро вилоят Халқ қабулхонаси (65) 220-10-00
- Бухоро шаҳар Халқ қабулхонаси (65) 221-10-00
- Бухоро туман Халқ қабулхонаси (65) 542-10-00
- Когон шаҳар Халқ қабулхонаси (65) 524-10-00
- Когон туман Халқ қабулхонаси (65) 522-10-00
- Ғиждувон туман Халқ қабулхонаси (65) 572-10-00
- Олот туман Халқ қабулхонаси (65) 342-10-00
- Қоракўл туман Халқ қабулхонаси (65) 565-10-00
- Вобкент туман Халқ қабулхонаси (65) 332-10-00
- Ромитан туман Халқ қабулхонаси (65) 552-10-00
- Пешку туман Халқ қабулхонаси (65) 353-10-00
- Қоровулбозор туман Халқ қабулхонаси (65) 364-10-00
- Жондор туман Халқ қабулхонаси (65) 582-10-00
- Шофиркон туман Халқ қабулхонаси (65) 502-10-00
Изоҳ (0)