58 ёшли Голливуд актёри Жорж Клуни ҳамда унинг 42 ёшли рафиқаси Амал бутун дунёда ҳукм сураётган таҳликали вазиятга беэътибор бўлмади. Улар вирус билан курашиш учун шахсий маблағларидан бир миллион доллардан кўпроқ пул ажратди, деб хабар берди Cosmopolitan.
Ушбу маблағ олтита турли ташкилот томонидан бўлиб олинади. Амал ва Жорж ушбу маблағ Голливуддаги артистлар, созандалар ҳамда телевидение ишчиларига берилишига, улар учун пандемиянинг зарарли таъсирини енгиллашитиришига умид қилмоқда.
Юлдузли жуфтлик 200 минг долларни кино ва телевидение фондига (MPTF), SAG-AFTRA ва Лос-Анжелес мэри фондига берган.
Жорж Клуни соҳа ишчиларини қўллаб-қувватловчи ҳамда COVID-19 билан боғлиқ харажатларни қоплашни кўзда тутувчи MPTF фонди аъзоси ҳисобланади.
SAG-AFTRA фонди кам таъминланган артистларга шошилинч молиявий ёрдам ва тиббий суғурта тақдим этиш билан шуғулланади.
Мэр фонди эса коронавирусга қарши курашаётган касалхоналарга зарур тиббий жиҳозлар хариди учун маблағ ажратади.
Қолган маблағлар Ливан озиқ-овқат банки, Италиянинг Ломбардо шаҳри маъмурияти, Буюк Британия соғлиқни сақлаш вазирлиги томонидан тенг миқдорда бўлиб олинади.
Изоҳ (0)