«Барселона» собиқ ярим ҳимоячиси, ҳозирда Қатарнинг «Ас-Садд» клуби бош мураббийи Хави ҳужумчи Роналдиньонинг Лионель Мессига муносабати ҳақида гапирди.
«Месси ‘Барселона’да 16-17 ёшида шуғулланишни бошлаган, у вақтда Роналдиньо 26 ёшда эди. Уларнинг муносабати яхши эди. Лео, Роналдиньо ва Деку ўртасида оилага ўхшаш гуруҳ шаклланганди. Роналдиньо ва жамоадаги қолган барча Мессида ўзгача салоҳият борлигини кўриб турарди.
Роналдиньо Мессини укасидек қабул қилди ва улар орасида жуда яхши муносабат шаклланди. Роналдиньо унга жуда кучли ёрдам қилди. Ҳаммамиз кўмак берардик, бироқ Роналдиньо амалдаги энг яхши ўйинчи сифатида бу ишни амалга оширарди.
Дунёнинг энг яхшилари ёш йигитчани оила аъзосидек қабул қилгани Леога жуда катта ёрдам берди. Месси усиз ҳам дунёнинг энг яхшисига айлана оларди, бироқ кийиниш хонасидаги илиқ муносабат унга ёрдам берди», — дейди Хави.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)