Лондондаги савдоларда Brent маркали нефть нархи 2003 йил сентябрь ойидан бери илк бора баррель учун 27 АҚШ долларидан пастлади. Бу ҳақда «РБК» хабар берган.
Нефтнинг минимум нархи 26,66 долларга тушди, оқибатда 2003 йил 30 сентябрда кузатилган кўрсаткич — Brent’нинг баррели учун 26,81 долларлик нархдан ҳам пастроқ баҳоланди.
Май ойидаги WTI фьючерси нархлари баррель учун 25 доллардан ҳам паст баҳоланди ва 10,57 фоизга тушиб, 24,44 долларгача пастлади.
17 март, сешанба куни, Brent маркали нефть нархи баррель учун 29 долларга тушган ва бу 2016 йил январидан бери қайд этилган энг кучли пастлаш экани айтилган, шунингдек, жаҳон бозорида нефть нархи янада пасайиши мумкинлиги тахмин қилинганди.
2020 йил январида Brent нефтининг максимум нархи баррель учун 71 доллардан ўтганди. COVID-19 коронавируси пандемияси туфайли ОПЕК ва нефть ишлаб чиқарувчи мамлакатлар ўртасида келиб чиққан низони деб, нефть нархи кескин тушишни бошлаган ва 2,5 ой ичида «қора олтин»нинг қиймати қарийб 40 долларга арзонлашди.
Мавзуга доир:
- Alibaba асосчиси Жек Ма нефть нархининг пастлаши сабаб Осиёнинг энг бой одамига айланди
- Иқтисодчи Юлий Юсупов жаҳон бозорида нефть нархи пасайишда давом этса, сўмнинг девалвацияси муқаррарлигини билдирди
- Жаҳон бозорида нефть нархининг «қулаши», долларнинг юқорилаши қандай оқибатларга олиб келади? Асосий маълумотлар
«Райффанзенбанк» вакили Андрей Полишук ҳам шундай прогнозни тахмин қилган. Агар Саудия Арабистони ваъдасининг устидан чиқиб, бир суткада 13 миллион баррель, Россия эса суткасига қўшимча 300-500 минг баррель ишлаб чиқарса, COVID-19 коронавирусига қарши чора-тадбирлар сабаб нефть нархи 25 долларга тушиб қолиши ҳам мумкин, деган эксперт.
Изоҳ (0)