Самарқандда бир кунда қоидабузарларнинг 123 та автомобили жарима майдончасига жойлаштирилди

Самарқандда бир кунлик «Автопатруль» рейд тадбирида 812 та қоидабузарлик аниқланди, 123 та транспорт воситаси жарима майдончасига жойлаштирилди. Бу ҳақда Самарқанд вилояти ИИБ ЙҲХБ «Дарё»га маълум қилди.

Қоидабузарликларнинг 55 тасида тегишли ҳужжатларсиз транспорт воситасини бошқариш ҳолати аниқланган бўлса, 284 та ҳолатда қўпол қоидабузарлик қайд этилган.

Тўққизта ҳолатда светофор ва чорраҳадан ўтиш қоидасини бузиш, бешта ҳолатда автомашинани давлат рақами белгисиз бошқариш, 43 та ҳолатда туси ўзгартирилган (қорайтирилган) ойналар ўрнатиш, 99 та ҳолатда одам ташиш қоидасини бузиш, 7 та ҳолатда телефондан фойдаланиш ва 187 та ҳолатда бошқа қоидабузарликлар аниқланган.

Тадбир давомида Самақанд ИИБ ЙҲХБ, Транспорт бошқармаси ва Санитария-эпидемиология осойишталик маркази ходимлари шаҳар ички йўналишларида ҳаракатланувчи жамоат транспорт воситаларини дезинфекция қилган. Дезинфекция билан бир қаторда аҳолига тушунтириш ишлари олиб борилган.