«Меҳрибонлик кванти» фильмида Жеймс Бонднинг севгилиси ролини ижро этган актриса Олга Куриленко коронавирусни юқтириб олди. Бу ҳақда актриса Instagram’даги саҳифасида маълум қилди.
Актрисанинг сўзларига кўра, у коронавирус таҳлили ижобий чиққанидан кейин бир ҳафтадан бери уйда ўтирибди.
«Тана ҳароратининг кўтарилиши ва ҳолсизлик — менда кузатилаётган асосий симптомлар. Эҳтиёт бўлинг ва буни жиддий қабул қилинг!», — деб ёзади Куриленко.
https://www.instagram.com/p/B9w1fGQhllp/
Аввалроқ Голливуд актёри Том Хенкс ва унинг рафиқасида коронавирус аниқланган эди.
Эслатиб ўтамиз, айни пайтда Ўзбекистонда коронавирусга чалинган беморлар сони 4 нафарга етди.15 март, якшанба куни Францияда бўлиб қайтган ўзбекистонлик аёлда COVID-19 коронавирус инфекцияси аниқлангани ҳақида хабар берилганди. Шундан сўнг, аёл билан мулоқотда бўлган барча оила аъзолари Республика Вирусология илмий текшириш институти клиникаси ётқизилганди. Ундан ташқари, шу рейсда келиб, Ўзбекистонда қолган йўловчиларнинг бари аниқланиб, умумий ҳисобда 150 киши изоляцияга олингани ҳақида хабар берилганди.
Изоҳ (0)